Ram Le Miphun Caah Nunnak Pemi Kan Ralkap Hna Tirawl Hi Rak Zoh Ve Hmanh

Ral ram a kalmi Min Aung Hlaing uico pawl ralkap mithat lai nawng le nu tlaihhrem hmang ralhrang hna a doh tu ding mipi kan ralkap hna an ei dingmi ti rawl hi rak zoh hmanh. Ngaihchia bak a si ko ee.

Mipi hna him tein kan umnak ding le zalonnak kan hmuh khawhnak ding ah nunnak pek ngamh in nusal pasal ramtang ah an kal hna i hriam an tlai hna.
Minung kan nunnak ah rawl loin nun khawh a si lo caah an hmai ka a ummi an hnuh mi tirawl thaw bik cu Banluang hnahcang kung hi a si ko cang.

Ramlak ah Vokrawl caah kan hman tawnmi Banluang hnahcang kung cu an nih caah rawlthaw bik ah a hung cang. Hnahcang kung kha an hau i an muru te kha an chumh i cucu rawl ah an i rinh. Uico Min Aung Hlaing ralkap hna cu an doh hna.

A can ahcun sunghno nu le pa tang domh manh loin an nunnak a liam i thlanmual te hmanh ah an ruak vui kho loin ramlak pilking ah an ruak cu vui an si. Zawtfah le hliam an tuar caan ah pasal nusal tiin hnahcang kung kha rawl ah i rinh in an intuar ee.

Chungkhar sinah le nulepa sinah nuam tein um na duh ve ko. Si lo ah Mizoram le hmun dang ah him tein zam an duh ve ko lai. Sinain kan ram le kan miphun an dawt i zawn an ruah tuk ruang ah a har bikmi nun cu an tuar cuahmah.

Hawi dawt fak piin ruat hmanh. Rawl thawthaw le buh thawthaw na ei lio ah khan kan miphun caah dothlennak a tuah cuahmah lio mi hna kan nau kan fale cu ramlak ah saram fa bang Vokrawl kha dawh an nunnak le an thazang caah khim tein an ei cu.

Ruah ahhin rawl ei chung a pil kho lo i mitthli hi a luang ko. An mah caah a si lo. Kan ram le kan miphun an dawt ruang ah a si. Kan ti khawh chung in thazang chuah hi kan rian ngan bik a si zungzal ko ee. Hmanthlak hi Kalay PDF kan nau le an si.Credit-Thestar

Be the first to comment

Leave a Reply

Your email address will not be published.


*