Ram Thumnak Ummi Rak I Ralring Cang Uh

Ramthumnak phan cia pawl nan biachim i ralring uh. Ramchung ummi pawl ramdang kalnak tuah hlah uh tiah nan bia a tamtuk.

Ramchung ah a ummi hi zeitluk in an tuar
timi nan theih ko lai. Ramlak ah zan ah zam. Ramlak ah zing ah zam than lengmang a haumi dirhmun ah kan um. A can ah zam i a can ah tlun than lengmang. Nun hi a him kho bak ti lo. Lungretheih hi a dai kho bal lo.

Cu lio ah ramthumnak ah a um cangmi hna nih hnangam tein nan um cang hnu ah Lai lei a ummi ramdang kalnak kong ruat hlah uh, ramdang ah zam hlah uh timi pawl ca nan tial i nan post tawn. Khua chuahtak hlah uh nan hei ti.

Nunnak pakhat te hi a sunglawi tuk. Kan inn kan lo vialte nak in kan nun himnak ding hi a sunglawi mi a si. Ram chung ah mah bantuk harnak kan ton lio ah hnangam taktak in a rak um cangmi hna nih ramthumnak lei in ramdang kal le kal lo kong ah nan van au tukmi kha rak ngol cang uh.

Khua zamtak le zamtak lo cu a hmun a ummi nih kan hngalh mi a si ko. Mah tluk in Kawlram a buai hlan ah khan nan nih cu nan rak zamtak diam cang. Cu ruang ah cun pei ramthum nak ah hnangam taktak in nan um cang cu.

Ramthum nak a ummi hna nih Lai lei sa le ral kar ah a ummi hna zam le zam lo kong ah, ramdang kal ding in refugee tuah le tuah lo kong ah rak i thlak tuk ti hlah uh. Nanmah le chungkhar cio tu kha nan duh ahcun ti ko hna uh. A miphun huap in ti kha a haumi a si lo.

Kawlram chung ah a tuar bikmi cu Chin miphun kan si. Khuapi an kan khangh piak. Tantuk an kan thah cang. A tuar bik mi kan si.Credit: Cung Bawi Lian

Be the first to comment

Leave a Reply

Your email address will not be published.


*