Rev,Dr. Charlie Nun Uk-Nai Thantlang Kahnak Ah A Thimi CDF Cheukhat Khi Cunglei Order le Comment Ngai duh lo ruangah a si

Min Aung Hlaing nih mipi uknak a lak hnu in Chin ram kilven ding in aa tim i meithal aa tlai mi CDF kan ngei hna. minung tampi nihcun CDF hi direct in bawmh an duh hna nain chrukhat nih CDF hi direct in bawmh si lo in CNF/A sin bawmhnak pek ahcun nihin ni in kan tuan mi dothlennak hi a hmai kal deuh lai tiah an chim.

Cun ramlengei in a rak tlung mi mifim kan i ngeih mi tamdeuh nih cun CDF hi CNF/A kuttang ah cawlcang hna sehlaw kan hriamtlaih in Min Aung Hlaing ral kan doh mi hi hmual a ngei deuh lai tiah a tuletu an chim ko nain CDF hi CN/A kuttang ah cawlcangh khawh lo phun in um dawh an si.

Tutan zong USA in a tlung mi Rev.Dr. Charlie Nun Uk cu vaurawng biaruahnak ah an sawm i CNF/A le CDF kong a chim tik ah tamtuk a fiang mi cu CDF hi CNF/A kuttang in an cawlcangh lawngah eibar an chuak lai timi hi a biachim ngaihnak in theih khawh a si. Cun Pu Lal Siam Mawi nih CDF pawl hi raltuknak strategy thatein an ngei lo maw timi le Kan ralkap CDF pawl hi hmailei caansau caah Ralkap tha ah an i chuah khawh lai maw timi na hmuh ning tiah a biahalnak a leh mi cu a tanglei bantuk in a leh.

Raldonak ah hin meithal lawng hi a rak biapi lo cuh. Raldo nak ah a herh mi pawl cu lutput zong a hau, ziaza, Zulhphung, nunnung, ruahning zong a hau. Nain stratagy kan thiam lo ahcun panga thi ding khan pakul kan thi lai.Cun a pehchap mi cu Thatlng kahnak ah thimi kong hi a palh zong ka palh kho men a ti. Nawl ngeih lo ruang le order ngaih lo ruangah a thi mi kan um a ti. Cun a tuning tein an kal ahcun hmailei ah an si kho lai lo. Ralkap tha si zong an i tim lo.

A ruang cu Military athnic hna an nei lo, rule and order le comment hna angei lo caah ralkap tha cu an si kho lai lo. Cun thih ngamh in ral a do mi an un ko nain ral lak ah meithal a zaamtak mi hna an um len. Ralkap a thihphaih kho tu ding le zumhtlak bik mi cu nihin ah CNF/A lawnglawng a si. Cucaah Thantlang peng, Hakha peng tal in thawk uhsih, CDF pawl nih meithal kong le raldohnak kongkau ahcun CNF/A tang an um ahcun kan rau lai lo. CDF viate hi CNF/A tangah an luh viar a hau tiah a chim.

Note: Vaurawng zuunthil i a chim mi chung in cheukhat a biapi deuh tiah ruahmi kan lak mina si.

Be the first to comment

Leave a Reply

Your email address will not be published.


*