Rungtlang Ralhrang Sin Ah A Um Laimi Pathum An Zaam, CDF Senthang Sin Ah Meithal le Kuan pawl he an lut – Thawngpang Dik Thanh Hna Usih


Rungtlang Um SAC Ralkap Pathum Cu Meithal He Chinland Defense Force Senthang Sinah An Zam. Chin ramkulh, khuapi Hakha Rungtlang ah hram a bunhmi SAC ralkap pathum cu, meithal he Chinland Defense Force Senthang sinah CDM an tuah, tiah theih a si.

A luancia November 11 ah SAC ralkap Battalion 266 in ralkap pathum cu, MA 1 meithal zun 1 le kuan tam ngai he CDF-Senthang sinah CDM an rak tuah, tiah CDF-Senthang nih nihin December 6 ah cathanh an chuah.

SAC ralkap pathum cu lunglawm tein kan don hna i lawmman tangka zong kan pek dih hna hnuah an pathum in a himnak hmun ah kan chiah cang hna, tiah an langhter.

CDF -Senthang nih cathanh he an langhtermi hmanthlak ah MA 1 meithal zun 1, meithal kuan 300 leng, kutcheh bomb lung 3 le kuanbawm 3 zong an langhter chih.

A luancia October 8 lio zong ah palik Ni Mang cu BA63 G3 meithal zun 2 le kuan tam ngai he CDF -Senthang sinah a rak zam i lawmman tangka kyats sing 100 an rak pek cang.

AC Ralkap Nih Mindat Ah Thazang An Chap, Hriamngan Zong An Thlah. December 5, chunhnu hrawng ah Chin ramkulh, Mindat nitlak lei meng 4 petrol dawrnak tlangcung ah hmunhma latu SAC ralkap nih seh meithal, hriamngan le

hriamhme in meng 5 hmunhma cu an kah caah inn cheukhat an rawk, tualchung mi hna cu thinphang in a himnak hmunhma ah an tli zaam hna tiah theih a si. Htilin in a chuakmi SAC ralkap le pyusawhṭi hna cu December 5, ah Shweaungta ah an phan, zaan an riak tiah theih a si.

A tu hrawng ah SAC ralkap nih Mindat ah helicopter in thazaang an chap, a um tharmi hna nih cun khuachung ah ke in hlathlainak an tuah.

 



Source link

Add a Comment

Your email address will not be published. Required fields are marked *