Russia Cozah TV Channel Nih ralpi pathum aa thawk cang tiah thawngthanh

Russia tilawng pi rili chung a pil hnu ah Ralpi pathumnak aa thawk cang tiah Russia TV Channel nih thawngthanh tiah theih a si.

Ukraine raltuknak ah Russia tilawngpi Moskva pi cu rilipi pi chung ah a pil diam hnu ah Russia cozah nih ralpi pathumnak aa thawk cang tiah Russia cozah TV channel pakhat nih thawngthanhnak a tuah tiah India thawngzamh ca pakhat NDTV.com nih an tar langh.

Tilawng pi rili chung a pil nak a ruang cu zeihmanh a si lo ruahlo piin a pil sual mi a si tiah Russia cozah nihcun a chim ko nain Ukraine cozah nih Russia tilawng pi hi kanmah nih rawklak le pillak in Missile in kan kap mi a si tiah an chim ve. A ngaite ti ahcun Russia chim mi nak in Ukaraine chim mi ah hin zumhtlak a si deuh. A ruang cu Tilawng pi hi mei kangh hnu ah a pil mi a si caah Ukraine ralkap nih an kah mi a si hrimhrim lai tiah ral lei thiamsang hna nih an chim.

Hi an tilawng pi a rawk i rili chung a pil ruangah Russia cu an thin a khenh tuk hna i Ukraine a tuk ning fakdeuh in a timh lawng si lo in ralpi pathumnak aa thawk ko cang ti tiang in vawleipi tlerh hram a hun thawknak hi a si. A tuhi kanmah cu NATO chungtel kan si lo bantuk in NATA i a hrampi a simi innlo pawl kan hun phomh cang lai. Cucaah hihi ralpi pathumnak aa thawk nak hrimhrim a si ko cang timi cu nan zumh a hau ko cang tiah TV thawngthanh tu nihcun a chim chap.

Culawng si lo in Russia nih Ukraine cung ah ralpi parhumnak aa thawk nak ding tiang in tuk a timh taktak ko cang tiah April 15 ah khan newsmax.com zong nih an hun tial ve bal cang. Cu thawng catial mi cu chirhchan in Britain hrambunh a simi metro News zong nih a tial ve.

American CIA dirrector zong nih Russia president Putin nih Ukraine tuknak caah nuclear ka hman lai a timi hi a sawhsawh tuk in ruah lo ding le daithlan lo ding in ralrin peknak bia nai te ah khan a chim ve cang. Cun American president Biden zong nih Ukraine caah $800 million a bawmh chap hawi. American nih Ukraine hriamnam ca a bawmh mi zate hi $2.5 billion a si cang tiah thzawn chim tu nih a langhter.Biden nih Ukraine president phone in a chawnh i hnubik bawmhnak ka rak inpek mi a si nak kong an langhter than.Source: NDTV, New Max World

Be the first to comment

Leave a Reply

Your email address will not be published.


*