Russia Mipi An Lau Tuk Cang-President Pitin Nih tlaih dih a timh cang hna

Russia cu cozah zung riantuantu pawl hramhram in ralkap an tuan ter cang hna caah Russia Gasproom company riantuantu pawl an zaam dih hna.
Ye-Peng SAC ralhrang hngakbuk PDF nih an luhhnawh hna
President Putun nih minung ting3 ralkap lak ding or tuanter ding timi cazin chungah Russia cozah nih ngeih mi Gasproom Company riantuantu pawl an itel caah an zaam i an i thup dih cang hna tiah Russia thawngzamh ca pakhat nih a tial.

Cun a ,aam manh rih lo mi le aa thup manh rih lo mi pawl cu an auh hna i ralkap tharbkhawmhnak sakhannlei ah an kalpi colh hna tiah Gasproom Company rian tuantu hna nih social media chungah an tial. Russia President Putin nihin ralkap thar khawmh a timh mi hi ting 3 laqng si lo in ting10 a si tiah a thlithup thawngpang a chuak caah Russia mipi cu an lau ko hna.

Cu ruangah phaisa a ngei deuh mi hna kum 18 in kum 65 karlak Russia pa pawl cu ramlengah a si khawh nak lam poah in an chuak cio hna i ramleng kalnakblam le vanlawng tual cu pa lawng tein an i khat thup ko hna tiah Russia thawngzamh ca pakhat nih a tial.

Nain Russia cozah rian ngeitu pawl hna nihcun Russia ram chung in Russia mipi pawl an zaam nak le an chuahnak kong hi an thanh duh bak lo i ralkap cawnnak or thiamnak a ngei bal mi hna lawng kan tuan ter hna tiah lih le hrokhrawl in an thanh.

Be the first to comment

Leave a Reply

Your email address will not be published.


*