Russia Nih Ukraine A Tuk Ri Thawk In Raltuk Tank Pa zeizatdah A Sungh cang lai?

Russia nih Ukarian a luhhnawh i thla hnuh chung ah Russia raltuk tank pawl a zaza an hrawk khawh tiah theih a si. Nitlak ram pawl nih Ukaraine cu raltuk tank le raltuk vanlawng pawl hrawh khawhnak hriamnam thazaang an hun bawmh cuahmah hnu ah Russia pawl an sungh ning a zualhma kho tuk tiah thiamsang hna nih an chim.

A si ahcun biahalnak a um mi cu Russia nih Ukaraine a luhhnawh ruangah Russia pawl raltuk tank pa zeizat ko dah an sungh cang lai timi hi biahalnak a um lengmang mina si.Ukaraine ralkap pawl nih an chim ning ahcun Russia raltuk tank hi a tlawmbik 680 an sungh cang lai tiah an chim. Cu be bantuk in Ukraine ah a rawk mi hriamnam le raltuk tank pawl hmanghlak zohnak ah a tuaktan kho tu pawl nih hman mi blog pakhat Oryx nihcun Russia raltuk tank lawng in 460 le a dang raltuknak tank phun 2000 rwnglo an sungh cang tiah an langhter.

Cun Rand corporation le IISS department nih an langhter ning ahcun Russia nih Ukraine a luhhnawh hramthawk ka ahcun Russia nih a hmanmi raltuk tang hi 2700 tluk a si lai tiah an langhter.

Russia nih Ukraine a luh hnawh i a tuk ka hramthawk ah khan American nih Ukaraine cu raltuk tank hrawh nak Javelin 2000 a bawmh i a hnu ah 2000 tluk a bawmh than.Raltuk tank a nem biknak hmun a si mi ah Missile nih a khen ahcun a puak kho tiang in Javelin nih a kah khawh khawh tiah Jevelin chuahtu Lockheed Martin company nih an chim.

American lawng si lo in UK nih raltuk tank hrawhnak NLAW a tlawmbik 3600 Ukaraine cu a bawmh ve tiah theih a si.Mah NLAW nih hin raltuk tank pawl fawite in a hrawk kho ve. Jevelin le NLAW hi raltuk tank hrawk khawh nak ding caah a cak tuk mi a si. Cucaah hi bantuk hriamnam raltuk tank kahnak hi Ukaraine nih ngah hna hlahsehlaw cu a tu bantuk dirhmun hi A si kho lai lo tiah Royal United Services Institute (RUSI) nih an chim. Cun American nih hin Ukaraine cu raltuk tank hrawhnak Switchblade 100 renglo zong a bawmh rih fawn caah a tu bantuk in Russia nih raltuk tank a thong leng in a sunghnak hi a si.BBC

Be the first to comment

Leave a Reply

Your email address will not be published.


*