Russia Nih Ukraine Khuapi A Biapi Bik Pawl 80% Kan Uk Khawh Cang An Ti Nain Ukraine Lei Nih An Chim Mi He Ai Dang Ve

Ukraine ram a biapi bikmi Khuapi pawl 80 % cu Russia nih an uk khawh cang. Russia nih a uk khawhnak lampi pawl a phih cuahmah cang tiah theih asi.
Chokhleipar

Russia ralkap pawl cu Ukraine nichuahlei ah fakngai in an nam i an kah cuahmah cang caah Ukraine khuapi Sievierodonetsk i 80 % cu kan uk khawh cang hna. Cuticun an uk khawh mi khuapi pawl luh huahnak hlei pathum an chah caah hliamtuar pawl chanchuah ding in Ukraine nih aa zuam cuamah ve liona si.

Cucaah Sievierodonetsk chung i hliamtuar pawl a tomtom in thial awk an tha rih lo tiah Luhansan nichuahlei uktu Serhiy Daidai nih a chim. Cun Russia ralkap pawl nih lamhla kahnak hriamngan in khuachung an kah lengmang caah khualeng i a ummi Industry zungah kan thial chung hna tiah pehzulh in a chim.

“Hliamtuar pawl chanhchuah dingah Ukraine ralkap pawl le khuami pawl pehzulh in pehtlaih khawhnak lam kan ngeih rih ko” tiah Serhiy Daidai nih Ap thawngzanh sin ah telephone in a chim. Culengah Russia ralkap pawl nih a biapi deuh mi khuapi pawl an uk kho rih lo an kan kham kho rih lo tiah a chimchap fawn.

Ral a thawh hlan ah minung nuaikhat leng an rak umnak Sievierodonetsk cu a tu ahcun milu 12000 hrawnghrang lawng an tangcang tiah theih asi.Azot sehzung ah hin milu 500 tluk an i dor hna i Russia ralkap pawl nih hramhram in hremnak an tong tiah Daidai nihcun a chim.

Hnubik thawngpang theih khawh tawk ahcun Luhusan hmunhma chung in mi sawhsawh 70 a luatnak hmunhma chungah an chanhchuah khawh hna tiah theih a si. Russia le Dunbav ralkap pawl nih an uknak hmun ah mi sawhsawh nitlaklei. meng 35 a hlatnak Svatovo khuapi ah kan thial khawh hna tiah Bohmukyi Mikhail Mizintsev nih a chim.Source: AP

Be the first to comment

Leave a Reply

Your email address will not be published.


*