Russia President Putin A lundong Ruangmang cang. Hitihin a chim mi cu

Russia -Ukraine karlak biaruahnak ngeih dingah timhcia kan si cang ko tiah Russia President Putin nih a chim.

Chikhleipar| May 4 |2022
“Russia president Putin le France President Emmanuel Macron cu May nithum ah telephone in an i chawn hna. Hi an i chawnh lio ah Putin nih Ukraine cozah leikap nih Russsia he i chawnh biak ding lungtingak tein an i tim lo nain kan nih Russia lei nihcun innka kaupi in kan on ko cang” tiah Putin nih a chim.

Russia president Putin nihcun France president Emmanuel Macron sin ah Ukraine aiawhtu palai hna he i pehtlaih ningcang a chim phuan. “A bik in Kiev i nichuah le nitlak an holh aa lo lo mi hna he i chawnh biak ning an i timh mi kan hmu lo nain Russia nih cun lungtin tak tein le kaupi lam kan in ko”tiah Kremlin nih a thanh.

Ukraine ralkap pawl nih an tuahmi sualnak bialte hi Nitlak lei ram pawl nih an i theihter lo tiah Putin nih a ti. Ukraine ralkap pawl nih sualnak an tuah mi Donbass hmunhma ah a um mi mipi pawl thah nawnnak khuapi kip ah bomb thlak mi pawl hi EU nih aa theihter duh lo a ti tiah cathanh chung ah aa tel. “Cucaah hi bantuk sualnak mipi cung an tuah mi an ngol nak ding caah nitlak lei ram pawl nih Ukraine cozah sin ah hrismnam bawmhnak te pawl hi an ngol ding a si” tiah Putin nih a chim.

Tutan Putin le France President Emmanuel Macron an i chawnhnak ah vawleipi eidin tirawl kan ngat lo nak ding an i ruah tiah theih a si. Naite France thimnak ah teinak a hmu mi Emmanuel Macron cung zongah Putin nih a lawmh pi.

Emmanuel Macron cu France thimnak ah prhzulh in teinak a hmuh hnu ah Putin he tutan telephone in an i chawnh cu a voikhat nak a si. A liamcia March 29 ah khan hi hna pahnih cu hnubik telephone in an rak i chawnh. Cuvebantuk in April 30 ah khan France president Emmanuel Macron cu Ukraine president Volodymyr Zelenskyy he zong telephone in an rak i chawn ve. CNI

Be the first to comment

Leave a Reply

Your email address will not be published.


*