Skip to content
Home » Russia President Putin A Mualpho- A Chim Dih Hlan Ah Ukraine nih a ralkap pawl an dawi hna

Russia President Putin A Mualpho- A Chim Dih Hlan Ah Ukraine nih a ralkap pawl an dawi hna

Ukraine nichuah lei Russia ralkap pawl mih an rak lakmi cheukhat khuapi cu Ukriane nih nizan ah khan an lak than khawh cang hna tiah theih a si.

Russia president Putin nih kanmah Russia he an i fonh cang lai tiah thawngthanhnaka tuah mibah aa tel mi Ukraine nichuahlei Lyman khuapi cu Ukraine ralkap nih nizan October 1 ah khan Russia ralkap pawl cu an kulh ciaman hna i An tihtuk hna caah an zaam viar than cang tiah theih a si.

Ukriane hmunhma pa4 cu Russia nih kan lak dih cang tiah Putin nih a thawngthanhnakna tuah a thaizing October 1 ah Lyman khuapi cu Ukriane ralkap nih an lak than diam ko cang. Hnibik thawngpang a chuah ningah Ukraine ralkap pawl Lyman khuapi chungah cun an lut cang i Russia ralkap pawl cu an zaam viar cang hna tiah theih a si.

Lyman khuapi cu Russia he an i fonh cang lai tiah Putin nih thanhnak a tuhmi chung Donnetst hmunhma chungah a um mi a si.

Russia president Putin nih Luhansk, Donetsk, Zaporizhzhia le Kherson hmumhma hna cu Russia he an i fonh cang tiah September 30 ah Russia President Putin nih thawngthanhnak a tuah.

Russia nih Ukraine hmunhma cheukhat hramhram in a lak mi pawl hi vawleicung upadi a buar lawng si lo in UN upadi pi zong amah lila nih a buar tiah UN le vawleicung ram vialte nih an ti. Culawng si lo in American le EU ram pawl nih Russia nih Ukraine ram cheukhat a ting mi cu zeitinhmanh ah kan cohlang kho lai lo tiah thanhnak an tuah colh ve.

Russia President Putin nih a thanh nikhat bak ah Lyman khuapi cu Ukraine ralkap nih an lak than cang tik ah ral a sungh mi vialte lak ah a nganbik a si lai tiah an zumh.
Source: Reuters

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo