Russia President Putin Nih May 9 Cawn Nikhat Tuah Ding A Phuan Mi Cu Tihnung Ko

Russia President aa sum kho ti lo, Nitlaklei ram pawl ralrin a pek ko cang hna tiah theih asi.
Chokhleipar | May 7 | 2022

Ukraine a kah mi ralkap pawl thazaang chapnak phun in May ni 9 cawn nikhat ni ah Nazi Germany cu Soviet Union ralkap pawl nih teinak an rak hmuhnk kum 77 tlunnak ralthiamnak puai a tuah lai i nitlaklei ram pawl zong Putin nih alrin peknak phun in a hriamnam thazaang pawl a langhter lai tiah reuter thawngzamh ca nih an tial.

Russia nih a innpa simi Ukraine a tuk hnu ah nitlak lei ram pawl nih Russia cung sh phihkhamnak an tuah mi cungah ralkap thismnak le raltuk tank, Missile le raltuk vanlawng pawl he a langhter lai tiah theih a si.

Ral thiamnak a kal hlan ah Putin nih biatawi chimnsk a ngeih hmasa lai i St Basil’s Cathedral) a tan ding in a aw thawng nak in a rang deuh mi Jet fighter Tu-160 vanlawng pawl zong tutan ah an langhter lai tiah theih a si. Kum 2010 hnu ah vawleipi hrawk kho ding a thihphaih kho mi Nuclear ral a thawh kho tu II-80 Russia vanlawng chungah Top military officers pawl nih an zulh lai tiah Russian Ministry of Defense nih thawng an thanh.

“A voihnihnak ahcun palhsual mi kan tuah ti lai lo! Palhnak ding caan zong kan ngei ti lo” tiah Putin nih a chim. Nazi pawl thihphaihnak le NATO ramkauhnak i American thihphaihnak ralrin dingah Ukraine hi ka tuk mi a si tiah Putin nihcun a tuletu a chim. Nain Ukraine le nitlailei ram hna nihcun Putin nih Nazi a puh mi cu a dik lo mi a si i hramhram in ral thawh a duh caah a si ko tiah an chim ve.Vawlei ralpi pahnihnak lio ah Soviet Union hi a dang ram hna nak in a thi lo mi sn ra tam deuh i milu 27 million an rak thi tiah tuanbia ah a um. Source: Reuters

Be the first to comment

Leave a Reply

Your email address will not be published.


*