Russia President Putin Nih US le EUrope A Hro Hna I Biden Cu A Nihchuak Lehlam

US le Europe ram pawl hi Russia zinan loin um khawh dawh an si lo. Kan theih cio bantuk in Russia cu vawlei cung ah Zinan a chuah tampinak a si i Zinan bak in a rummi ram a si.

Russia ram ah zinan a chuak mi hi vawlei cung ram tamtuk nih an hman. A bik in US le Europe ram hna nih an hman mi a si. US le Europe ram ah zakhat ah 40 datsi le gas an hman mi khi Russia ta a si tiah an chim. Russia zinan hi US le Europe ram pawl lawng si loin Australia tiang in a van dawpmi a si. Sorth Korea te hna, Switzerland te hna tiang in an van dawp mi a si. Zinan kha an chuan i datsi le gas ah an chuah.

Cu ruang ah nitlak lei ram hna le US nih gas le datsi an hmanmi zakhat ah 40 cu Russia ram in lak mi an si hna. Mahhi ruang ah Putin ai auh tuknak hi a si. Ka zinan loin an nung kho lai lo tiah a ruah. Russia zinan hmang lo ding cun an ram chung ah zinan khur biatak tein US zong an cawh ve hau hnga.

Nihin ni tiang ah zinan piple line cu an phit taktak rih lo. US zong nih Russia zinan cu nifatin tawr le cheng in a lak peng rih ko ti a si. Cikhat lo ah Russia zinan an phih ahcun US le nitlak lei ram ah datsi man le gas man a kai tuk lai. Cu a kai ahcun thil man a kai colh ve lai. Thil man kai nih fak ngai in a den ve hna lai. Anmah an ram chung chuak datsi le gas hmanh an i za lo men cang hna lai.

Russia nih a mah tein a um komi Ukraine a kah ruang ah ah Russia ram le nitlak lei ram hna cu an buai ngai cang hna. Ukraine rammi nitlak lei ah 1.5 million reng lo an phan cang. Russia ralkap 11,000 leng an thi cang. Ralthuam thilri tampi an sung rih. Ukraine mipi zong 2000 reng lo an thi ve cang. Minung tampi nih an inn lo an zamtak. Inn lo thilri tampi ai rawk fawn.

Be the first to comment

Leave a Reply

Your email address will not be published.


*