Russia ralkap 20000 tluk an thi cang i Ukrine ralkap 3000 tluk an thi ve cang, Russia nih Ukrine fak deuh in phomh a timh

Ukraine ralkap 3000 tluk an thi cang, Khuapi pawl bomb in an kah cuahmah tiah theih a si.Ukraine ram Khiev khuapi le mitlak lei Luviv khuapi hna ah april 16 zingka puahkehnak thawngpang a thang len i chanchuahtu pawl le ngandamnak lei tuanvo latu pawl an thlah hna tiah Khiev khuapi minister nih reuter thawngzamh caah a chim.

Cu kongkau he pehpah in a thimi hna le a rawkral mi pawl ningcang tein le fiangtein kan hngal kho rih lo tiah a chimchap fawn.

Russia nih Ukraine a luhhnawh i a tuk a thla 7 tiang ah Ukraine ralkap pawl a thimi hi 2500-3000 tluk an thi cang lai tiah an zumh. Cun hliamtuar a tlawmbik in 10000 tluk an phanh cang lai tiah Ukraine president nih a chim.

Cuve bantuk in Russia ralkap a thimi hi 19000 in 20000 tluk an thi cang lai tiah Reuter thawngzamh ca nih april 15 ah an langhter.Nain Mosco nih an langhter ning ahcun Russia ralkap 1351 lawng an thi i 3825 hrawnghrang hliam an tuar tiah anmah lei nihcun an lih.

Khieve khuapi cu kan doh than rih lai tiah Russia nih april 15 kan kah than lai tiah Putin nih a chim hnu tlawmpal ah Khiev khuapi Vizar sehzung ch Missile in voikhat a kah than tiah theih a si. Cun Ukraine nih Mosco tinbaw pi cu Ukrine nih an kah i tichung ah pil diam hnu ah Russia nih Ukrine cu fak deuh in a kah than tiah theih a si. Ujrine nih an kah i ti chungah a pil mi tinbaw chung rian tuantu minung 500 tluk an i tel tiah theih a si.Source: Reuters

Be the first to comment

Leave a Reply

Your email address will not be published.


*