Russia ralkap bawipa nih Ukraine hi kan kirtak a hau ko cang tiah a chim

Russia ralkap bawipa nih Ukraine hi kan kirtak a hau ko cang tiah a chim.

Russia le Ukraine kar kahnak cu a linsa chin lengmang. An hriamnam hman mi pawl a pical chin lengmang i an i kahnak a fak chin lengmang lei a panh ko.

Putin nih hnu lei ah pil ai tim ti lo. Ukraine ralkap pawl nih zei tik hmanh ah a sungkhan an i tim ve ti lo. Russia nih an lak dih khawh hlan poh cu i phomh peng dawh in an um ko cang.

Russia hruaitu le Ukraine hruaitu hna zong voihnih ton biaruahnak an ngeih cang nain an kar ah daihnak a um kho lo. An duh mi thil ai khat ti lo caah i kap peng thiamthiam a si ko. A ho hmanh nih an kar ah remdaihnak zong ser khawh a si ti lo.

Russia ralkap tamtuk an thi cang. Minung 12,000 leng an thi cang. Jet fighter 58 leng an tla cang i Helicopter 80 leng an tlang cang. An Tank le an Motor ai rawk mi an tamtuk cang. Russia ralkap an nung in tlaih mi an tamtuk cang.

Cu ruang ah Russia ralkap bawi pakhat nih Ukraine ral hi kan kir cang awk a si ko tiah a chim. Ukraine ram raldohnak ah Putin nih tuanvo ngan taktak a pekmi ralkap bawi nih Ukraine hin ralkap kan kir awk a si ko tiah Putin cu a chimh ti a si. Putin nih a duh lo ti a si i ralkap bawi pa zong cu Ukraine ah a nunnak a liam ve ti a si.

Ukraine ram ah ral a do cuahmah mi Russia ralkap pawl hi an lung a dong ngai cang. Ukraine ralkap hna an rak thawng tuk. Mipi an lung a rak i rual tuk kha an hmuh tikah fawi tein kan tei kho hna lai lo ti kha an hmuh ning a si.

Ukraine ralkap nih Russia ralkap an tlaih mi hna nih an chimnak ahcun kanmah duh in Ukraine ram ah raltuk duh in a rami kan si lo. Kan bawi lei kal uh an kan ti. Nan kal lo ahcun nan hnu lei in meithal in kan in kah hna lai an kan ti tiah an chim tawn.

Russia ralkap pawl cheukhat nihhin Ukraine he i kah hi an duh lo caah tampi cu Ukraine ralkap sinah an i ap tawn ti a si. Cheukhat cu lampi ah kal huam ti loin an um peng hna ti a si. Cu ruang ahcun Russia nihhin Ukraine hi fawi tein a tei kho lai lo tihi an hmuh ning a si cio cang.

Putin nih Ukraine a kah hlan ah khan ni hnih ah lak dih khawh ding in a rak i ruah. US le NATO hna zong nih ni hnih ahcun an lak ko lai tiah an rak ruah. A sinain nihin tiang ni 15 a reng ti lo. Russia ralkap nih an la kho rih lo. An lak khawhmi mi cu an ramri state pahnih Monetsk le Lahansk lawng a si rih.

Russia ralkap hi an sung tuk cang. Vawlei cung ram tampi nih Russia cu saction an tuah ning a fak tuk fawn. Cu ruang ah Putin hi a ningzah, a thinhan le ingpuan in ruah lo piin Nuclear bomb a hman te sual lai tihi an phan ngai ciomi a si.Credit-Chinstar

Be the first to comment

Leave a Reply

Your email address will not be published.


*