Russia Ralkap Tlaih Mi Pawl Nih An Mitthli He A Chungkhar Ph An Chawnh Lio Hna Video A Chuak

Russia ralkap pawl Ukraine ralksp nih an tlaih mi hna cu an mitthli he an chungkhar phone an chawnh ter hna i kan nih cu thihnak ah an kan kuat cang ko lai tiah mitthli he an tap lio video pawl cu social media chung ah a chuak.

A tu bantuk Video a hun cuahnak cu Ukraine cozah nih Russia ralkap thongruk cu niruk chung ah kan thah cang hna tiah tiahnak an tuah in a hun chuak mi a si. Tutan Video a chuak mi tlaih a tong mi Russia ralkap pawl nih hin raldoh an duh lo nak kong an phuan.

Video pakhat ahcun Russia ralkap an tlaih mi pa cu a nu phone an chawnh ter i thihnak hmun ah an kan kuat. A hopoah an thah hna. Kanu kan dawt tuk tiah mitthli he a chim mi hmuh khawh a si. A dang video pakhat ahcun traning tuah ding an kan ti. Nain an rak kan hlen caah a tu bantuk in hi ka hmun kan umnak hi a si.

A hramthok ahcun training tuah ding ah nan kal lai an ka ti. A hnu ahcun hmaisuang ah an kan chiah nain a hnu ahcun lungdongh in an kan chiah cang ko tiah pakhat pa nih a chim ve. A hohmanh nih i doh hi kan duh lo nain ral chung ah an kan hlawt tiah a chim. Inn ah tlun in daite in um kan duh. Ralthawh hi kan duh bak lo tiah Russia ralkap tlaih mi pa nih cun a chim.

A dang pakhat an tlaih mi a hmai cu thisen le hliamhma in a khat mi pa nihcun tuhi kanmah ralthawh a si lo tiah a chim ve. A tulio ahcun keimh tein i thah hi ka duh deuh e tiah a chung le sin ah a chawnh hna.The mirror

Be the first to comment

Leave a Reply

Your email address will not be published.


*