Russia Ramleng Vunci – Nuclear Hmannak Kong Ah A Leh mi hna cu

Vawlei Ralpi Pathumnak ahcun Nuclear kan hman lai tiah Ukraine ramleng vunci nih a chim cang ko.

Vawlei ralpi pathum tiang buainak a phanh ahcun nuclear hriamnam kan hman lai tiah Russia ramleng vunci Sergey Lavrov nih a chim tiah Russia media pawl chirhchan in nihin ah Aljazeera thawngzamh ca nih an tial.

Nihin March nih ih Switzerland ram Geneva khuapi ah tuah mi hriamnam hrawknak meeting ah Ukraine ram nih nuclear hriamnam a kawl timi aa tel hnu ah a tu bantuk in Russia ramleng vunci nih ralrin peknak a chim tiah Aljazeera nih an langhter.

Nain Ukraine ah hin Soviet Unioun chan lio Nuclear hlun thismnak pawl cu hmsn khawh ding in lam a um ko timi leng in Alijazeera nih fiang in an langhter lo.

Ukraine ram nih a tak ah ramleng ah Nulear hriamnam pawl a cawk i a luhpi a si ahcun Russia nih tihnung tak in a phomh lai tiah Russia ramleng vunci Sergey Lavrov ralrin peknak a chim.

Vawlei ralpi pahnihnak dongh hnu ah hin Europe ram chung ah ramkhat le ramkhat faktuk in i tuk kahnak a um ti lo hnu ah tutan hi Russia nih Ukraine cu a voikhatnak ral ngan tak in a luhhnawh i a kah hi a si. Curuang ah Ukraine cu ramkip nih hriamnam he sn zuan hnawh i Russia cung ah chawlehnak fakpi in phihkhamnak a tuah ruangah Russia cu fakpi in nihin ahcun a tuar ko cang.

Ukraine zong nih a ram kham khawh nak ding ahcun Nulear hi ramleng sh a caw lai lo tiah chim awk a that lo caah Ukraine nih nulear a cawk sual a si ahcun Russia nih nuclear hriamnam a hman lai i vawlei ah ralpi pathumnak a chuak kho ko tiah thismsang hna nihcun an zumh ning a si.

Febuary ni 27 ah khan Russia President Putin nih nuclear tlai a ralkap pawl cu hmsnh khawh colh ding in timhtuahnak ngi cang uh tiah order a pek cang hna. Curuang ah vawlei pi cu nuclear ral a tho kho ko lai lo maw tiah thinphang in sn um cio hna.

Vawlei cung ramthawng pawl nih Russia cung ah phihkhamnak faktuk in an hun tuah hnu ah Russia President Putin cu zei tuah awk hngal ti lo in Nuclear hman ding ah ai hrocer nak hi a si. Nain US president Biden nihcun Russia thihphaihnak Nuclear cu zeihmanh ah ruat hlah uhlaw tih hlah uh a ti ve.

American mipi pawl nih nuclear ral hi tihnung awk a di ko lo maw tiah media pawl nih Biden cu an hal tik ah zeihmanh tihding a um lo tiah a leh hna.Source: Aljazeera

Be the first to comment

Leave a Reply

Your email address will not be published.


*