Russia Sniper Kah Thiam Taktak Thantlang Ralhrang Sin Ah a um

Thantlang SAC ralkap nih an I timh mi cu Thantlang khuachung ah CNA le CDF um lo ding hi an I timh mi asi, atu kan dirhmun ahcun Zatceo ve ve bantuk in kan I then, Cucaah an mah nih hmunhma lak dih an I timh mi asi, cun ralhrang nih Van Thio inn le CJMC biakinn tiang kan nawr hna lo cun an duh caan paoh ah an kan kah khawh tiah an I ruah mi asi tiah kan ruah, Thantlang ralhrang nih lehmahchi 81, 82, 120 hi a lianbik an I chiah mi asi.

Thantlang ralhrang chung ah khin Sniper a thiam bak mi Russia ram in a cawngmi minung pahnih an I chiah tiah kan ruah tiah a chim,

ZRA zong hi ralhrang pawl bantuk in cikhat te kan kong lam theih duh ah maw asi? an rak lang tawn i, an kir than tawn, an cawlcang ning hi Ralhrang he an I khat ngai ngai, tahchunhnak ah rih camp lei ah ralhrang an van I cawlcangh ahcun ZRA pawl zong hi an rak lang ve than ton, mah caahcun daithlan awk an tha ve lo tiah Lt Col Lal Bik Thang nih Vaurawng ah a chim.

Note: Lt col Lal Bik Thang biachim mi hi Vaurawng zuunthil I a chimmi chungin a tawinak tein van lak than mi asi.Credit-Chinstar

Be the first to comment

Leave a Reply

Your email address will not be published.


*