Russia Tuahmi Raltuk Vanlawng Pawl American Nih Ukraine Kuat Timh

Russia tuahmi raltuk vanlawng pawl American nih Ukraine a kuat cang lai tiah theih a si. Ukraine rammi pawl cu anmah le si khawh tawk bak in Russia ral an doh peng ve hna caah Russia president Putin ralruk vanlawng pawl hi Ukraine ralkap pawl nih an mawngh thiam ve ko caah Ukraine kuat ding in American nih timhtuahnak a ngeih cuahmah cang.

Ukraine president nih American bawmh a hal bantuk in American zong nih Russia ralruk vAnlawng pawl cu Ukraine kut chung chanh ding ah ai zuam cuahmah lioba si cang.Ukraine van ralkap pawl nih Russia raltuk vanlawng pawl duhtawk tein an mawngh thiam ko caah Russia tuahmi ralruk vanlawng kan sin phanh nak ding caah kan bawm hram ko uh tiah Ukraine nih American bawmh a hal.

NATO chungtel a dimi Poland ram ah a ummi Russia rLtuk vanlawng pawl cu Ukraine ram chung kuat ding ah American nih ai zuam cuahmah lio a si. Poland cu a dang raltuk vanlawng pawl an pek than lai tiah a tuhi Poland a cozah cu biaruahnak a tuahcuah mah cang.

Ukraine President, ramleng uncivle Ukraine cozah rian ngeitu pawl he kan i chawn cuahmah lio a si ko tiah American ramleng vunci nih a chim. Tulio anmah nih an herh mi cungah American le a tuan hawi pawl nih zeidah kan bawmhchanh khawh hna lai tiah kan ruahchuah mah ko tiah a chimchap.

Russia tuahmi Raltuk vanlawng pawl Ukraine ram chung kuat ding ah Poland cozah he biaruahnnak an tuah mi cu cu zeitluk tiang kan i chawn biak cang timi cu a chim lo. Nain a si khawhnak lam in kan i chawn biah ko tiah a chim fawn.

Russia i runvennak vunci nihcun Ramdang pawl nih Ukraine ram chungah raltuk vanlawng pawl tum le kaite an tuah a si ahcun anmah hrimhrim zong i raltuknak buainak chung ah an i telcang tiah kan chiah hna lai tiah ralrinnak a pek ve.BBC

Be the first to comment

Leave a Reply

Your email address will not be published.


*