Russia: Ukrain nih kan duhmi thil phun li a lungtlin cun raltuk kan ngol colh lai

Russia: Ukrain nih kan duhmi thil phun li a lungtlin cun raltuk kan ngol colh lai

Russia nih Ukrain cu “ Special Military Operation” timi min bunh in February 24 in tuk hram a thok. An i tuknak ni 10 reng lo a si cang. Hi chung ah Ukrain mipi 1. 5 million inn le chuah taak in ralzaam ah an cang. Vawlei cung ralpi pahnihnak (Second world war) hnu ah ralzaam harsatnak chiabik asi tiah an chim. Ukrain mipi (hngakchia telh in) thong hnih renglo an thi tiah Ukrain nawlngeitu lei nih an thanh.

Russia chimnak nawlngeitu Dmitry Peskov nih kan duhmi phunli hi Ukrain a lungtlin cun raltuknak kan ngok colh lai tiah a chim. Cu phun li hna cu:
1. Ukrain nih raltuk ngol bak seh
2. Ukrain phunghram (constitution) hi thleng seh
3. Crimea hi Russia ta asi ko tiah cohlang seh
4. Donetsk le Lugansk hi Ukrain in aa thenmi independent ramthen asi tiah cohlang seh.

Russia nih Ukrain phunghram thleng seh ti an duhnak cu Ukrain hi khoika bu he hmanh i fonh hlah seh ti an duhmi asi. A fawinak cun NATO le EU ah luh lo ding khi asi.

Ukrain nawlngeitu le Russia nawlngeitu hna cu March 10 ah a voithumnak tonbiaruahnak Turkey ah an nei than lai. Cherhchan: Yahoo News UK credit-Ceumi Lian

Be the first to comment

Leave a Reply

Your email address will not be published.


*