Goodnews-SAC Official Aung Than Nih A Kuttang Ralhrang Pa 8 Thi Lak meithal In A Kah Hna i Meital 2 A Zampi

Myitkyina Armed Forces Tintan sianginn official Aung Than nih SAC ralkap pariat a kahthat hna. meithal pahnih a lak i a zampi. A tucu a luatnak hmunhma ah a phan cang tiah naihniam hna sin in theih a si.
Chokhleipar

Kachin ramkulh Myitkyina peng Pyithong khua Non7 SAC Arm Force tintan sianginn ah June 6 ah khan Northern Regional Military Headquarters( khah-pah-khah) cu vakal in zohfelnak an va tuah hna tik ah Hngak rian a tuan mi ralkap minung pahra cu sii an va tongj o cheukhat cu zu an va rit mi an hmuh hna tik ah a zohkhenhtu Officer Aung Than cu dantat nak an pek i an sik.

Cucaah Official Aung Than cu a thinhung tuk i tuzanlei ah khan ralhrang uico pawl minung pariat cu meithal in a kah hna i paruk cu a hmun ah an thi colh i minung pahnih cu sizung an thi tiah theih a si.

“SAC ralhrang pawl cu Official Aungthan nihcun tansiba tuahter hna i pakhat hnu pakhat a kah that hna. Minung paruk cu a hmun ah an thi colh ko. Pahnih cu sizung ah an thi. Cun a dang pahnih cu an zaam manh. Aung Than nihcun pistol pakhat le a dang a sau mi pakhat cu a lak i a zam ve . A tucu a luatnak hmun a phan cang” tiah SAC naihniam pakhat nih a chim.

A kah that mi hna ralhrang pariat an ruak cu SAC nih an vui cang hna tiah theih a si.Credit- Khitthit

Be the first to comment

Leave a Reply

Your email address will not be published.


*