SAC Ralhrang 30Renglo An Thih Caah Khuami Inn 400 Renglo Zahan ah khan an khangh

Seyzin inn SAC ralhrang nih mipi inn 400 renglo an khangh piak hna tiah theih a si. Sezin khua kahnak ah SAC ralhrang 30 renglo an thih caah an thin a hungtuk i mi khuami inn tamtuk an khangh piak hna.

Phakanh peng Sezin khua kahnak cu a gfaktuk hringhran caah nizan zanlwi thawk in SAC ralhrang le SNA pawl nih khuami inn khangh hram an thawk tiah theih a si. Sezin khua kahnak ah hin SAC ralhrang le SNA a tlawmbik 30renglo an thi tiah khuami pakhat nih a chim.

Auguat ni9 zan suimilam 8 pm tluk in SAC ralhrang nih raltuk vanlawng in mei bomb a thlak caah khuami inn kangh gram aa thawk tiah Sezin khua pakhat nih KNG ah a chim.

Suimilam 8pm tluk ah vanlawng in a voikhatnak bomb a rak thlak i khuami inn a kang. Cun khuami pawl nih tidawtnak seh in an that i a dai than.Cuhnu ah 9pm tluk ah Sagaing ramthen lei in ral bawm a rami SAC le SNA pawl nih khua chung an lut i inn khat hnu inn khat khua mi inn cu an khangh i khuami pawl zong a thimi an um len tiah a chim.

Auguat ni9 chunhnu suimilam 1 tluk in Sezin khua SAC ralhrang sakhan cu KIA nih an luhhnawh hna i an kah hna caah Ralhrang lei nih raltuk Jet vanlawng 9 in bomb a rak thlak hna caah mipi lei a thimi an um le um lo fiang in theih a si eih lo.KNGNews

Be the first to comment

Leave a Reply

Your email address will not be published.


*