Skip to content
Home » SAC ralhrang 80 nak tam kan thah hna i an hriamnam tamtuk kan lak tiah Moebya PDF nih an thanh

SAC ralhrang 80 nak tam kan thah hna i an hriamnam tamtuk kan lak tiah Moebya PDF nih an thanh

SAC ralhrang 80 renglo le hriamnam tamtuk an sunghnak Moebya kah doh nak thawngpang tha taktak a hung chuak than cang.

Kaya ramkulh Moebya khuapi ah September nin8 in aa thawk mi kahnak ah SAC ralhrang pawl a tlawmbik minung 80 renglo an thi i hriamnam tampi an lakpiak hna nak kong cu Moebay PDF nih October 2 ah cathanh.

Mah kah dohnak ah SAC ralhrang pawl hi tampi hliamhma an tuar i mipi ralkap tangti hna minung 54 nih hliamhma an tuar ve. Mah chungah minung 10 hi an hliamhma a fak i Pa9 nih ram le miphun caah nunnak an pek ve tiah theih a si.

SAC ralhrang pawl nih hriamngan kah tuk ruangah tual chung mi sawhsawh 13 hliamhma an tuar i hi chungah kum 10 tang ngakchia pathum telh in minung 6 nunnak a liam tiah theih a si. Moebay khuapi pawngkam vialte ah SAC ralhrang nih bomb an hmanh mi tamtuk a um caah mipi khuatlawng pawl ralring deuh in umkal ding tiah Moebay PDF nih cathanh an chuah.Ref-TachileikNewsAgency

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo