SAC ralhrang an kan kah rih ahcun Khuachung mi kan that viar hna lai tiah SAC nih an thihphaih hna

Sezin khua um SAC ralhrang hi KIA nih an kan kap rih ahcun khuachung i a taapmi mipi pawl hi kan thst viar hna lai tiah SAC ralhrang nih an thlerh hna.

Sezin khua ah KIA nih an kan kap rih a si ahcun khuachung a taapmi mipi pawl hi kan that viar hna lai tiah SAC ralhrang le SNA nih thihphaihnak bia an chim tiah khuami pakhat nih a chimm.

A tulio ah Sezin hungki sianginn chung ah mi sawhsawh minung 100 tluk an taap hna. A rak chuak mi pawl cu kan in that viar hna lai tiah SAC ralhrang le SNA nih an thihphaih hna.

Chrukhat khuami hna cu Phungki sianginn kulh chungah an i thup hna. A leng ah an chuah ter hna lo. A chuak mi cu meithal in an kap that hna. Khuami pawl cu a chung ah tamhaal in an um ko hna tiah theih asi.

SAC ralhrang le SNA nihcun Sezin khuami inn cu nihin chunghnu 2 pm tluk ah innkhat hmanh tanglo in mei in an khangh dih.KIA nih an hun kan kap rih a si ahcun pakhat hmanh tanglo in khuachung ah a taap mi mipi pawl hi kan that viar hna lai tiah an thihphaih hna.

Sezin khuachung i mipi pawl nih ngeih mi Cycle, Motor, tungbing tiang an lak dih i anmah SAC ralhrang umnak lei ah an thial dih tiah theih a si. KNGnews

Be the first to comment

Leave a Reply

Your email address will not be published.


*