SAC ralhrang Bomb Puah Hnawh hna i tamngai an thah hna

Yuantoetaung kam ah SAC ralhrang uico pawl bomb in an puah hnawh hna caah ralhrang tampi an fimtawl hna tiah theih a si.

Mandalay ramthen Natogyi peng le Minchain peng aa pehnak hmun Yuantoetaung kam ah SAC rqlhrang hna cu mipi ralkap PDF nih bomb in an puah hna caah ralhrang tamngai an fimtawl hna lai tiqh zumh a sii.

Bomb puahhnawh hna nak ah SAC ralhrang a thimi minung pa4 cu a hmun ah an thi colh hna i hliamtuar pakhat fakngai in an tuar tiah Minchain mipi cawlcanghtu phu nih an chim. Hi bomb puahhnawh hna nak kongah mipi ralkap PDF lei nih cathanh an chuah rih lo.

Mah ni thiamthiam zongah Minchain khuapi High School sianginn i hmun khuar mi hna ralhrang le Pyusawhti phu hna nih meithal kah thloh in an kah caah September 18 ah a puak rih lo mi bomb pakhat an hmuh tiah theih a si.

A liamcia september 9 zongah Minchain taungthar lampi cung i SAC ralhrang hngakbuk gate cu hriamngan in mipi ralkap PDF nih an rak kah i Ralhrang lei a thimi an um len lai tiah Natogyi People Defence Forve – NPDF nih cathanh an rak chuah ve.

Be the first to comment

Leave a Reply

Your email address will not be published.


*