Skip to content
Home » SAC Ralhrang He Kan Tangti Canglai tiah Mon Peace Defense Force nih cathanh chuah

SAC Ralhrang He Kan Tangti Canglai tiah Mon Peace Defense Force nih cathanh chuah

Mon Party in a chuak mi Mon Peace Defense Force hna cu SAC ralhrang he tangti ding in Pyituhsit ah kan i thleng cang tiah October 10 ah cathanh an chuah.

Mon Peace Defense Force cu Mon ramkulh chungah daihnak le ralhrang riantuannak vialte venhim dingah pyituhsit ah kan i tleng mi a si tiah an langhter.

Culawng si lo in ralhrang rian tuannak vialte cu kan doh lai i tualchung mipi pawl daite le hngam tein an um khawh nak ding caah kan i zuam lai tiah an thanh.

SAC ralhrqng he i bawm in pyituhsit ah kan thlen hi ramkulh chungah tualchung mi pawl khuabawi pawl le zung riantuantu pawl thah an ton lengmangbruangah tualcung mi sawhsawh nih hriamnam meithal kan i tlaih i SAC ralhrang he kan tuantinak a si tiah Mon Peace Defense Force chim phuannak ngawlngeitu nih Tanlwintimes ah a chim.

Pyituhsih ah aa thleng mi Mon Peace Defense Force commender in cheif Bochoh Naing Shawing a rian cu Bohmuchoh Naing Aung Htun sin ah pek a si cang tiah a chim fawn.

Hriamnam meithal i tlaih in SAC ralhrang a dohtu Mon Defense Force thlanglei riantuantubpakhat nih ” Pyituhsit ah aa thleng mi Mon Peace Defense Force hi SAC ralhrang dirkamhtu an si caah kan ral ah kan chiah hna lai i an cilhhmit tiang kan phomh hna lai” tiah a chim.

Mon Peace Defense Force, Monpythit party in an chuah hnu a liamcia kum 2010 Cotober 10 ralkap thazaang 268an si i hriamnam ngan le hme 72 he Southeast Regional Command ah hriamnam he an rak i app.

Hriamnam he an i app hnu kum 12 a tlinnak October 10 ah SAC ralhrang pyituhsit ah kan i thleng tiah Mon Peace Defense Force nih cathanh an chuah. Source- Thethanlwentimes

Kan ithawh deng ah khin khuami pakhat nih a rak tli I arti pumhnih lampi ah va ding te tiah a ka pek Chinland Army Kalaymyo