SAC Ralhrang Japan A Rat Ahcun Fakngai In Kan Phomh Lai

Japan Vuncichoh hlun Shinzo Abe cu Japan ram nih a thihnak Ceremony cu tuthla July 27 ah tuah piak an timh. Hi ceremony ah SAC ralhrang Min Aung Hlaing A kal ve a si ahcun Japan ram khuasa Myanmar ram mi pawl nih fakngai in kan phomh lai tiah Myanmar dothlennak kong cawlcang phu hna nih an chim.

Meithal kahnak in a thimi Japan Vuncicho hlen Shinzo Abe thihnak cu Japan cozah nih tuthla 27 ah ceremony tuahpiak ding in a timh. Hi ni ah SAC myanmar ralhrang Min Aung Hlaing cu kai ve ding in an sawm tiah thawngpang a chuak. Nain Japan cozah nih Min Aung Hlaing a sawm le sawm lo cu phungning tein cathanh an chuah rih lo. Japan cozah nih SAC ralhrang Min Aung Hlqing hi a sawm tak mina si ko ahcun Japan cozah cu biatak tein a muisam a tla lai tiah ramkhel thiamsang Ko Myokyi nih a chim.

Cun hi ni ah SAC ralhrang Min Aung Hlaing hi a sawm mina si hrim ahcun Japan mipi pawl Zong nih an cohlan lai ka zum lo tiah a chimchap. Tulio Myanmar ram buainak kongkau ah hin Japan cozah nih fiang ngai in dirhmun a ngeih lo caah Japan ram a phan mi Myanmar ram minpawl zong an lungtling lo ngai. Cucaah July 24 ah Japan a phan mi Myanmar rammi pawl nih Jallpan ram khuapi pariat ah sandah an rak piah hnawh hna.

Min Aung Hlaing cu mipi uknak a lakhnu hrim in vawlei ramkip nih theihpinak nihin tiang an tuah duh lo lengah Ramleng a chuah khawhnak hi Russia lawnglawng a si rih. Cucaah Japan cozah zong nih Myanmar ralhrang Min Aung Hlaing hi theihpinak tuah lo ding in Japan ram phan Myanmar ram pawl nih hehchet tiah Japan cozah cu halnak or nawlnak an tuah len. Ref-DVB

Be the first to comment

Leave a Reply

Your email address will not be published.


*