SAC Ralhrang Motor Thluan Pa5 Bomb In an puah Hnawh Hna i Ceilak An ThahHna

PiTaukKyi Khua Ah SAC Ralkap Motor 5 Bomb Puah An Ton Caah Ralkap 7 An Thi, Ralkap 11 Hliam An Tuar

HtaWay(ထားဝယ်) pengkomh, TaYetChaung peng PiTaukKyi(ပိတောက်ကြီး) khua NatTaung lam ah nizan July 12 zanlei sml 5:00 hrawng, Palaw in HtaWay lei ah a kalmi SAC ralkap motor 5 cu, Eagle Guerrilla phu nih bomb in kan puahhnawh hna, tiah ṭuanvo ngeitu nih a chim.

SAC ralkap an motor 5 cu Eagle Guerrilla phu nih bomb in an puah caah motor 2 an rawk, tiah theih a si.

Motor chungah SAC ralkap khat tein an i cit hna i, bomb kan puahhnawh hna i, seh meithal in an kah thluahmah caah kan tli, tiah Eagle phu in ṭuanvo ngeitu nih a chim.

Cu kahdohnak ah SAC ralkap ralbawi (Captain) telh in ralkap 7 an thi, ralkap 11 hliamhma an pu. Palaw lei ah a rannak in an tlikpi hna, tiah theih a si.

SAC ralkap motor cu Eagle Guerrilla phu(T.Y.C-PDF) nih an kah hna i, anmah lei in a thimi le aa hliammi an um lo, tiah theih.

Be the first to comment

Leave a Reply

Your email address will not be published.


*