SAC Ralhrang Nih A Aw Thawngnak in A thang deuh mi Jet Fighter in KNU+ KNLO a kah cang hna

Ralhrang uico nih KNLA, KNDO cu a thawng nak a rang deuh ni jet vsnlawng in a kah hna tiah khuami hna nih an chim.

Kayin ram Woilay khuapi kam Ohkarit khuate i ralhang sakhan cu KNLA + KNDO nih an kah hnu ah pehzulh in a tuhi ralhrang uico pawl nih KNLA + KNDO karlak cu i kahnak a zualhma ngai tiah theih a si.

” Nihin cu chun nitlakbak te i kahnak a chuak. Pehzulh bak in an i kap ko” tiah KNU tat-maha 6 hmun i rian ngeitu pakhat nih a chim.

Pehzulh in ikahnak a um lio ah nihin June 27 zanlei suimilam 4pm tluk in cun ralhrang Jet rLtuk vanlawng tiang nih a rak kah cang hna tiah khuami pakhat nih a chim.

KNU Dopala pengkomh tat-maha 6 hmunhma chungah Kawkaret peng Myawaddy-Woilay motor lamthluanpi cung i a um mi ralhrang uico Ohkarit sakhan cu June 26 nizan khan KNLA + KNDO nih an luhhnawh i an kah.

I kahnak ah kaphnih lei in a thimi le hliamtuar an um len lai tiah zumh si. Kaphnih lei in cathanh an chuah rih lo. Nihin tiang pehzulh in an i kap hna i ralhrang lei nih Jet raltuk vanlawng tiang a hman cang caah cuka hmun i kahnak pawngkam khua mi hna cu Thailand ram chung lei ah an zaam hna i an i dor hna tiah theih asi. People Spring

Be the first to comment

Leave a Reply

Your email address will not be published.


*