SAC Ralhrang Pawl Mi An I Tingco Ti Lo Caah Zuklem In Gate An Hngak Min Facebook Chungah An Phozar

SAC ralhrang Gate hngaktu an um ti lo caah Lwepaw khua ah talhrang muisam bantuk in an tuah i Gate an cawngh ter cang hna tiah theih a si.

Shan-Kareninaa pehnak ramti Phekhung peng chung Lwepaw khua ah hmunhma thianhlimhnak an va tuah tik ah ralhrang uico pawl nih khuami inn lo an rak bauh dih hna i SAC ralhrang bantuk minung he ai lo in zuklen an rak tuah hna i Gate an rak hngakter mi hna Phekhung PDf tatyin2 nih an hmuh mi hmanthlak pawl cu July 15 ah Online chungah an hun phozar hna.

Nizan ah khan Phekhung PdF nih hmunhma thianhlimhnak an va tuah. SAC ralhrang pawl nih khuami innlo an rak bauh dih hna. Cun tuhi ralhrang uico pawl cu Nanpawlung le Lwepaw tlangcung ah hmunhma khuar in an um rih tiah Phekhung PDF nihcun cathanh an chuah.

July 13 ah khan Phekhune nichuahlei Saungnangkhe le Taungpuhkyai khua karlak ralhrang sakhan cu Phekhung Pdf nih suimilam pakhat tluk rau an kah i SACRalhrang panga an thi tiah an thanh.

Tukum May thla chung ah khan Shan thlanglei Htieih khua i ralhrang uico sakhan cu mipi ralkap nih an rak ting hnu ah Phekhung peng chungah ralhrang uico pawl nih thazaang an hun chap.Htieih sakhan kahnak ah hin Bohmu telh in ralhrang uico minung 15 an rak thah hna.

Tutan ralhrang uico pawl nih anmah minung lo in zulklem an tuah mi nih a langhter mi cu Ralhrang hi mi an itingco ti lo caah PDF nih kan tih hna sehtiahn imhtuahnak zuklem hi an i ser i a si lai tiah zumh an si. A ruang cu gatehngak zong an tling ti lo tinak langhternak a si ko cang tiah Phekhung PDF nih an langhter.

Be the first to comment

Leave a Reply

Your email address will not be published.


*