SAC ralhrang Raltuk Thiam Minthang Tatmah66 le Khahlahyah75 Rallam ah an kuat cang hna

SAC ralhrang minthang tatmah 66 le 75 ralhrang pawl cu ral lam hmaikal ah a kuat dih cang hna tiah ralgrang chungkhar naihniam hna sin in theih a si.

SAC ralhrang ralruk thiam minthang tiah chiah mi hna tatmah 66, le 75 hna cu rallam hmaikal ah an kuat dih cang hna. SAC ralhrang an sungh tuk cang caah special in aa chiah mi pawl a chuah dih cang hna tiah anmah SAC ralhrang chungkhar hnaclei nih an phuan cang.

Innmah hrambunh tatmah 66 le Pyikhuapi hrambunh khalahyah 75 hna an zapi ngawt in rallam ah an kuat cang hna. Cheukhat ralhrang hna cu an kal duh cio lo tiah theih a si nain hramgram in an kal te cang hna.

Hramhram in motir cungah an kai ter hna i an kalter hna. An rak kir ti lo pehtlaihnak zong tuah khawh an si lo tik ah an tbih le nun zong kan thei hna lo tiah ralhrang chungkhar hna nih an chim. Cheukhat khuapi luhnak gate i hngakbuk ah chiah mi hna tiang rallam ah an kuat cang hna caah cheukgat gate cu an khar cang tiah an chimchap.

Tutan SAC ralhrang raltuk thiam minthang pawl tiah chiah mi hna an zate ngawt in rallam an kuat cang hna tik ah SAC ralhrang hi fakngai in an sungh cang timi a fiangtuk cang tiah rallei ngiathlaitu hna nih an chim.

Cheukhat ralkap hna cu training phun in an kuat hna. Ka ngandam lo tiah hlen in cheukhat cu an rak kir. Cheukhat cu lam ah a zaam mi hna zong an tam tuk cang i cheukhat sakhan chung um pawl hna cu CDM tuah mi zong an tam chin lengmang tiah ralhrang lei chungkhar naihniam hna nih an phuan cang.Source-Myallat Athan

Be the first to comment

Leave a Reply

Your email address will not be published.


*