Salai Lungthli Tum- Malaysia A Kalnak Ah Khuaruahhar Thil A Ton mi A Phuan

KL ka tlawn lio ka khuaruah har ngaimi kan chimh hna lai mu. Pudu lei cu tlanglawng in ka kal, ka hawipa nih Hang Tuah ah kan hngah ko aka ti i cuka cun ka tum.

Ka vun chuak i ka hawipa cu ka kawl len. A ke in maw a ra lai or taxi dah a hlan hnga ti khi ka ruat. A dirmi pawl ka zoh hna i ka hawipa a lo mi an um lo. Kutka hmai ah ka dir ko hih aka ti fawn.

Motor lam ka zoh i lam kam ah a thar ngaimi motor rangmi pakhat cu ka hmuh, ka vun naih deuh i ka hawipa cu a rak si ai. Ka khuaruahhar pah, ‘mah pa hi ceiling ka tuan a ti nain Grab maw a mawngh chih hnga’ ti khin ka ruat len.

Motor chung ka vun lut cu Esther hla lawngte thang ngai in a chuah, a motor mawngh a cian ngai rih, bia kan vun i ruah i ‘motor ka ngeihnak kum 2 leng asi cang, rian kalnak le pumpak herhnak caah ka hman, kan khuami motor ngeilo kan tlawm cang’ aka ti.

Ni 2 chung Pudu ah ka um, ka hawile rian ngei lo an um lo, contractor an tuan dih ngawt. An khuasak ka zoh hna ah ka rak ruah hna ning bantuk an si bak lo, ramtha ummi nakin an zalawng deuh hlei ah an lungthin a nuam deuh tiin ka hmuh hna.

An motor mawngh belte an cian tuk deuh i thling a za pah le si.Credit-Salai Lungthli Tum

Be the first to comment

Leave a Reply

Your email address will not be published.


*