Salai Yaw Mang: Kannih CDF Mindat Cu CNA/CNF Sinah Kan I Fonh Kho Lai Lo

Salai Yaw Mang: A tu hnu ah CNF nih kan sinah i fonh uh an kan timi cu a si kho ti lo.

Kan hnu ah CDF Chairman nih CDF vialte hi CNA ah i fonh dih ulaw hruainak pakhat tang ah kan um lai kan thazang zong a thawng deuh lai tiah a chim.

Kan chim ahcun a hram thawk ah zeidah a rak cang hmasa. Kawl ralhrang nih uknak an lak. Mindat zong Chin ramkulh chung ah CNA/CNF hi kan rak i bichan hna, kan rak i ruah chan hna.

Mindat hi CNA batalion pakhat si ding in timh tuahnak rak ngeih a si ko. Cutincun kar kan rak hlang nain CNF lei in zei hmanh lehnak a rak um lo.

Kawl ralhrang kan doh cang lai. Tintan kan pe uh, meithal hriamnam kan pe uh tiah kan rak ti hna i pek a um lo. Mah facang i ronh bak in CNF camp lei ah tintai kai ah i thawk a si.

Mah kutke le hriamnam bak in CDF Mindat cu ai thawk i a chuak mi a si. Cu hnu ah a tu CNF nih CDF hi kan sin ah i fonh dih an kan timi cu kannih CDF Mindat caah a si kho ti lo tiah CDF Mindat in chimnak nawl ngeitu Salai Yaw Mang nih a Facebook ah a tial.

Mahhi kong hi tuan lio ah khan a rak buai pah mi a si. CNA lei zong in tampi an rak chim cangmi a um. Hriamnam le meithal hi Anthur Mei an bantuk men in vai pek awk a tha lomi a si ti zong an rak chim cang.

Sinain a tu ahcun CNA hi Chin ramkulh chung khoika raltuknak poh ah an um. CDF vialte hi a tam CNA nih ralkap tintan pekmi deuh an si ngawt hna. CNA hi Kalay Kabaw peng tiang in ral an tu i an cawlcang.

Be the first to comment

Leave a Reply

Your email address will not be published.


*