Sex Hmanpi Duh Lo Ruang Ah Nu Pakhat Mei In Khangh A Tong – Onlinenungak


Sex Hmanpi Duh Lo Ruang Ah Nu Pakhat Mei In Khangh A Tong. Sagaing ramthen ,Sagaing khuapi Sianghlei ruun Siang inn hmunchung ah Nu pakhat cu tlakrawh in cumh a si hnu ah hringhrim in petrol toih i khangh a tong tiah theih a si.

Hi thil hi nizan december -5 zan Sml 8:00 hrawng ah aiduh mi hna pahnih a thli in an i hmuhton lio ah A tlangval pa nih sex hmangding in a sawm i nu nih a duh lo caah tlakrawh cu i lakzau in a lu i a cumh hnu ah petrol toih in hringhrim i a khangh cu a si tiah bawmhchanh nak i ai tel ve mi pakhat nih a chim.

“Nu nih hin mei nih a kangh cun bawmhhal in a au, a pawngkam um mi nih mei cu phalh in an chanh i a thilpuan hna cu an him lo, bia cu a chim kho ko .a tu hi sii inn pi ah an thlop ” tiah a chim.

Nu cu cuka hmun i cozah rian tlai a si i a tlangvalpa duh nak a zulhduh lo ruang ah hi thil a ton nak kong a mah nih a chim i a vuncuar cu meikanghnak ruang ah 70% ai rawk tiah theih a si.

Mei in a khang tu pa hi Sagaing peng Nadaw khuate i a um mi Zar Ni Thun & Ye-yint (kum-24) a si i palik nih tlaih in an check tiah theih chih a si. Credit: Chin 24

Thawngdang Relchap: A tu I kan chim ding mi hi Dabai ram ah Mizo Nungak sin um tuan dingin chungkhar cawmnak le hlawhfa dingin a kalmi nih a hmuhtonmi hi zaangfak taktak a si nak kong kan rak chim lai.

Kan chim hlan deuh ah mah kong hi a taktak ah Mizo nungak tampi nih an tonmi le a taktak ah a cang mi a si. A Pu/ a umnak pa nih thla 8 chung leng chuak lo in inn khan chungah a hren I, zaangfak taktak khi a si. Mizo kan unau hna le Chin mivialte a bikin nungak tleirawl hna nih ralring a herh taktak ramdang ah hlawhfa dingin na tim ahcun Agent tha mi te le a felmi te kawl kho i zuam uh, cu lawng si loin a theihcia mi hna sinah hal hmasa uh…

Mizo kan unau nu nih Dubai ram a riantuannak inn ah a hmuh tonmi cu a tawi fiannak in kan rak langhter lai. Mah kong hi Mizo nu pakhat nih harnak a tonmi cu a bawmchantu hna sinah a halmi a si.

Dubai ah hlawhfa dingin a kalmi cu pehtlaih kho a si ti lo i, a chung le nih an rak ka chawnh hi a si. (an pehtlaihmi hi Dubai ah caan saupi khua sa cang mi a si hlei ah a pasal hi Dubai ah a chungkhar he khuasa mi an si I, a chuak zong an chuak, Dubai holh an thiam anmah bantukin).

Dubai i harnak a tonmi Mino nungak hi Nuhmui fa a si i, Mizoram in Viza in Agent tangah a rak ra mi a si I, a um ding caan hi 1 months tluk khi a si. Nain vanchiat ah an boss pa nih innkhat ah thla 8 chung a khumh, an boss nu zong nih a velh tawn! A boss nu/a pi a umnak nu a um lo karah a pu nih auh in itnak khan ah a nam tawn I,, a sualpi tawn!

Dubai ummi Mizo nu bawmhchan dingin an pehtlaih hnuah thla 2 chung an kawl Police sinah hna ah an kal nain a tlamtling lo Police zong nih mah police sinah kal uh an kan ti a ti. A pu chawnhnak no kan ngei hnu in kan nupa in kan chawnh i, kan nu chawn uh a kan ti, an nu kan cu kan chawnh, tha tein an kan chawnh ko, phaisa thong 5 in rak laa uh an kan ti.

An inn ah kan va kal cu,, tha tein an kan chawnh riantuan a duh lo an I titer,, an va auh cu a lawmhtuk ah a mitthli a tla,, a tuarmi zoh ah ngaichia taktak a si. A thilpuan hmanh hi plastic pakhat tlum te lawng a si. Thilthleng nak tha zong a nei thitha lo.

A bawmchantu nih a chim ning ahcun thawng an rak ka thanh ka ahhin ziah a mah tein zaam lo in a um hngak ka ti,, zaam sehlaw mibu umnak ah bawmh hal sehlaw a dih ko ka ti nain a rak si lo! A umnak inn hi a thup deuhpin ah inn nganpi a si i chuaknak a um lo,, a umnak inn khan hi a sang tuk fawn, thlalangawng in chuak ngam a si fawn lo! A mawh hrim lo mu a ti.

Thla 2 kan buaipi hnuah kan laak kho hi a si. Vanlawng ticket cu ting 6 hrawngin kan laak piak i,, Airport ah Police nih bia an hal, thlahlawh an in pe maw? an ti. An ka pe lo a ti caah an in pek awk si tlung rih hlah,, an ti i,, Ticket cu kan cancel! Ka va le hi thilti kho anmah Dubai mi an i rawi caah ting 6 sung ding kha,, ting 4 tibantukin an kan cancel piak kho.

Mah thla 8 chung inntek pa nih a erh cungah hin a duh tikah paoh ah an pi um lo kar ah itnak khan ah a auh i,, a sualpi ti hi kan theihmi cu a si. A zeitihmanh in hrialnak lam a um lo. A tuhi cu tha tein kan sin a phan kho caah a hnangam i, tlung ding tiang zongin kanmah phaisa te in Ticket zong kan laak piak. A tu cu Mizo ram zong a phan cang I, a nu nih a umning zong a tha i,, that lai a panh lai i, riantha le thiltha a dang zong a tuah kho ve ko lai tiah a chim.

Mah ca hi a taktak in Dubai ah Mizo kan unau nu pakhat nih a tonmi a si. Amah nih a tonning bantukin kan tial kho lo. Theih na duh ahcun YouTube zong ah fiang deuh le tling deuhin ngaih kho a si mu….. a tonmi hi ruah ah le ngaih ah hin lungthin a fak khun ko mu…. ram hlat pi in chungkhar zawnruah ah ramdang kan panh nain Agent that lo ruang le inntek thatlo ruangah harnak tuar kho lo deng tiang kan ton hna!

A tonmi hi chim le catial nak lawngin a khen kho lo a tonmi harnak hi a tuartu caah cun a fakbik a si ko. Kan tialmi le kan chimmi nih a tlinh lai lo. Duh paoh in an sualpi hlei ah leng zong ah an chuakter duh lo. Inn khan te ah a mah te lawng an um ter peng ko eee! Chuak le zaam a timh len zong ah a ngah hlei fawn lo. An inn dot a sang hlei ah an inn a ngan i gate tiang leng a zaam kho ding le Taxi hlannak ding zong a um lo ee!

Window in zuang ti ah le a sang tuk tung a zeitihmanh in lam a um kho lo eee! A caah cun Hell ram hmete a hluan ko ee! “Tuesday Nightmare” YouTube channel ah mah kong hi fiang tein ngaih kho a si mu…. amah chim ningin kan tial kho lo,, a tawi fiannak sawhsawh in kan tial chimmi a si. A takin a cang mi a si caah Video in zoh ve uh……

Kanmah Lai nu le Mizo nu zong si ko hna usihlaw,, ramthatnak ah kal a duhmi kan um ahcun Agent tha le inntek tha hmuh a biapi taktak,, Atlangpi in Angent an tha ahcun inntek hi an tha duh deuh ve caah Agent tha hi hmuh kho cio I zuam ah a tha,, ramdang ah kuli kan tuan ko ahcun mu….. lawmhnak tampi kan nei….


Post Views: 12



Source link

Add a Comment

Your email address will not be published. Required fields are marked *