Shan Ramkulh Chung Ralhrang Umnak Poah Kan Phomh Cang Lai Tiah SSPP/SSA nih thanh

Minsoe peng chung SSPP/SSA sakhan pathum a umnak hmunhma lei ah SAC ralhrang nih nih a minung tampi a kuat hna caah i kahnak a chuak cang lai tiah SSPP/SSA nih ralrinnak an pek.

Shan ramkulh chakei Minsoe peng SSPP/SSA sakhan pathum a umnak hmunhma lei ah SAC ralhrang nih a ralkap nihin ah tamngai acrak kuatchao hna caah i kahnak aa thawk cang lai tiah SSPP/SSA headquater lei nih ralrin an pek cang tiah Minsoe khuami nih an chim.

Mindor khuapi thlanglei Lwenaing hmunhma chungah SSPP/SSA sakhan pathum cu July 21 hnubik ah sakhan i thial ding in ralhrang nih a ti hna nain SSPP/SSA nih kan i thial duh lo tiah an leh ve.

Cucaah SAC ralhrang nih SSPP/SSA cu kah a timh cang i a si lai cu nihin July 25 zingka thawk in a minung pawl Minsoe ah siseh cun zing suimilam 9 am tluk ah motor thluan 6 ralhrang thazaang a khatthup in Kali – Mingsan lei ah a kuat rih hna. minsoe lei ah hin motor 11 khatlak in a kuat ve hna tiah SSPP/SSA headquater he naihniam mi pakhat nih a chim.

Cuve bantuk in SSPP/SSA zong nih Shan ramkulh chung vialt i SAC ralhrang poah timhcia in rak um uh kan i phomh kho ve hna tiah ralrin an pek ve hna. Cun SAC ralhrang headquater tiang kan phomh kho caah mipi pawl nih SAc ralhrang umnak hmunhma le hmunkhuar nak pawngkam ah um lo ding in mipi sin ah nawlnak an tuah chap ve. Cun Sac ralhrang cawlcangh ning poah mipi pawl nih SSPP/SSA umnak heafquater ah thawng pek colh ding in halnak an tuah. Kah lo le phomh lo awk a that ti lailo caah mipi pawl nih kan ton ding mi harsatnak zong lungrual tein tangrual ding in SSPP/SSA lei nih mipi biacahnak an tuah tiah SSPP/SSA naihniam pakhat nih a chim. Ref-People Spring

Be the first to comment

Leave a Reply

Your email address will not be published.


*