Shintalay Khua Inn 30 Renglo SAC Ralhrang Le Pyusawhti Nih An Duah

Ayadaw peng Shintalay khua inn 30 leng SAC ralhrang nih mei in an duah tiah theih a si. July 13 zingka suimilam 10 am tluk ah khan ralhrang uico le Pyusawhti phu hna nih an luhhnawh i inn 37 an khangh tiah Ayadaw Bone Naing PDF sin in theih a si.

Ralhrang uico pawl le Pyusawhti pawl cu mwithal hriamngan voi 15 tluk an kah in an lut. Direct in khuami inn 37 cu an khangh dih hnu ah an kir than colh tiah Ayadaw Bone Naing PDF tuanvo ngeitu pakhat nih a chim.

Khuchung ah hin khuami an um ti hna lo. Ralhrang uico phu pawl ral lam an rak ser timi an theihcia chung caah khualeng ah an zam dih cang hna. Khuachung an um hmanh ah PdF pawl lawng an hm lai Ayadaw Bone Naing PDF tuanvo ngeitu nihcun a chimchap.

Ralhrang nih mei in khuami inn an khangh hnu an kir than colh hna i vanthatnak ah LDF pawl an hun phanh colh i mei kangh cu an that manh tiah theih a si. Shintalay khua hi Innlu 400 tluk a umnak khua a si i pyusawhti khua tiah a minthang mi Ngwedwinbkhua he meng hnih lawng a hlatnak ah a ummi a si.

Be the first to comment

Leave a Reply

Your email address will not be published.


*