Singapore Ramleng Vunci- Myanmar Buainak Cu Kum 20 Cunglei A Rau Rih Lai

Myanmar ramchung ah SAC ralhrang nih ramchung ah remdaihnak zeitinhmanh in a tuah kho ti lo timi hmuh tikah ramchungah fakpi in ral a tho lai yiah tih a nung ko cang tiin Singapore ramleng vunci nih a chim chung cang.

SAC ralhrang nih Asean hnatlaknak phun nga pakhat te hmanh a zulh lo caah lungrawk ngaiba sinko cang tiah Asean ramlwng vunci pawl nih cathanh an chuah hnu ah a tu Media oawl nih biahalnak an tuah i a tubantuk in a chim hi a si.

Siangapore ramleng vunci nihcun fiangttein ka chim lai SAC ralhrang nih uknak an lak hnu ah Myanmar ram chung buainak hi zoh tik ah ramchung ah fakpi in ral a tho lai tilei kap in a kal cang. Asean hnatlaknak phunnga zong SAC nih zulh a timh ko timi hmuh khawh a si ti lo.

Asean hnatlaknak phun nga cu zulh duhlo in ramchung mipi sualnak a ngeilo mi mipi 200 renglo SAC ralhrang nih a thah cang hna. Cun Democracy cawlcanghtu minung pathum tiang thihdan a pek hna tik ah ASEan hnatlaknak zong hi ruahthan a herh ko cang tiah Cambodia vuncichoh nih a chim.

Singapore ramleng vunci cu Myanmar ram buainak hi zeitluk tiang dah a rau lai tiah na ruah tiin an hal tik ah cheukhat nihcun kum 4-20 tiang a rau lai tiah an ruahdamh i kei nihcun kum tamtuk a rau te lai tiin a chim.

Cucaah tulio SAC ralhrang nih a kalpi ning tein a kal rih ahcun hinak tihnung dantatnak a tuar te lai tiah a chim fawn. Cun a rauh hlan ah mah ning tein cun kal khawh a si lo timi a rak hngalh te lai. Ramchung remdaihnak um lo in ram pakhat nih zeitinhmanh in hmai a kal kho lo tiah Singapore ramleng vunci nih cun a chim. Ref-Thestraitstimes

Be the first to comment

Leave a Reply

Your email address will not be published.


*