Southe Africa Bar Chungah I kahnak In Minung 15 Nunnak A Liam

South Africa zuu dawr pakhat chungah i kahnak a chuak ciaman in minung 15 bak an thi tiah theih a si.

Southe Africa ram Soweto khuapi i zuu dawr pakhat chung ah meithal tlainpawl an lut i kahnak a chuak caah a tlawmbik minung 15 bak an thi lai i minung 9 nih fakngai in hliam an tuar tiah polik nih an chim.

Meithal kahnak a chuah ak zu dawr hi South Africa a Soweto khuapi ina um mi Orlando East timi dawr ah a si. Meithal tlai tu pawl hna nih hin an hmuhmi poah an kah thluahmah hna.

Cun meithal in an kah dih hna hnu ah meithal tlai pawl cu an Bus motor fa chung ah an lut i an zaam than hna. Zeiruang ahdah a tubantuk in an kah hna timi cu theih khawh a si rih lo.

Meithal kahnak in a thimi hna pawl hi kum 19- 35 tluk minung lawngte an si hna tiag theih a si. Tutiang hi Polik nih meithal tlai pawl cu an kawl chih len hna nain mi zeihmanh an tlai kho rih hna lo. July 9 zanlei sang ah khan South Africa Pietermaritzburg khuapi zong ah mwithal kahnak a chuak than caah minung 4 an thi tiah polik nih Kuly 10 zingah cathanh an chuah. Meithal tlaitu hi minung pahnih lawng an si tiah an langhter.Source: CNN, BBC, Reuters

Be the first to comment

Leave a Reply

Your email address will not be published.


*