Suanpyian Sakhan Ralhrang Le KIA an I Cuh Caah I Kahnak A Zualhma

KIA nih an lakmi ralhrang sakhan pakhat Suanpyiyan Sakhan cu Ralhrang pawl nih lak than an i timh caah kaphnih i kahnak a zualhma tiah theih a si.

PutaOo peng Suanpyian khuate i ralhrang sakhan KiA nih an lak mi cu lakhrang nih lakthan an i timh i an luhhnawh hna caah tuzing tiang i kahnak a zualhma taktak.

Nizan zanlei suimilam 5 pm thawk in ralhrang pawl nih thazaang tampi in Kia an umnak Suanpyian ahcun an kal hnawh hna caah kaphnih i kahnak a zualhma tiah Suanpyian khuami pakhat nih KNG sin ah a chim.

Zahan zan tiang kha khuachung ah an i kap ko. Tuzing tiang ah fakpi in an i kap hina voithumnak a si cang. Khua mi pawl cu kan zaam hna caah thil sining kan zoh kho rih lo i kan thei kho rih lo tiah a chim chap. Chekkhqt inn lo cu a rawkral len cang tiah kan theih a ti.

Zahan zaan in a tuzing tiang pehzulh in an i kap hna. Khuachung ah hriamngan veve in an i kap hna caah mipi innlo inn nga nak tam a rawk cang tiah kan theih.

Febuary thla thawk lai ah khan i kahnak a hun i thawk hnu ah khan Suanpyian khuami 100 leng cu ramlak ah rak zam a si cang. Cun a tuhi i kahnak a fak than caah khuachung ah kir than i va um than ding cu kan tih ngai cang tiah kuami pakhat nih KGN ah a chim ve.

A tulio hi cu khuachung ah pakhat hmanh an um ti lo. A hohmanh zong kan kir ngam lo. A tutiang hi ramlak ah pehzulh in kan um ko hna. A tuhi kan umnak hmun hrawng ah kaphnih nih kah mi hriamngan pawl a tlak len caah a him deuhnak hmun ah i thial kam kan hau than kho men tiah a chim. Suanpyian ralhrang sakhan cu Febuary nikhat ah khan KIA le PDF i fonh nih an rak kah i lakmi a si cang. Nain tu thla hram thawk i ralhrang pawl nih an hun rat hnawh than caah i kahnak a zualhma than hi a si.KNG news

Be the first to comment

Leave a Reply

Your email address will not be published.


*