Sui in sakmi Solomon temple hmanh Bawipa nih a hrawh!

Sui in sakmi Solomon temple hmanh Bawipa nih a hrawh!

Solomon Siangpahraang nih Moriah tlang, Jerusalam ah temple sui in dawh taktak in a sak. Cucu “Solomon temple” asilole “a voikhatnak temple” tiah auh asi .

Cu tempel ahcun “Biakam kuang le Nawlbia 10” an chiah. Asinain cu sui in sakmi tempel aa dawh tukmi cu Bawipa nih a hlawt. Solomon nih 970 in 930 BC tiang Isreal a uk caah temple hi 966 BC hrawngah a sakmi asi.

Bible nih Solomon temple a langhternak ahhin a chunglei ceiling 180 feet a sau, 90 feet a kau, 50 feet a sang. A sannak bik hmun temple hi 120 cubits asi (20 stories or 207 feet hrawng). (1 Siangpahrang 6:1-38, 7-8)

Cucu Babylon Siangpahraang Nebuchadnezzar nih kum 400 a rauh hnu 586 BC ah a hrawh. Kum 70 a rauh hnu ah a voihnihnak temple a voikhatnak ning ngan in an sak ṭhan. Ezra cauk ah kan hmuh khawh.

First century lio ah, Herod nih cu temple cu a kauh i a samh chih i a hnu ahcun Herod’s temple tiah auh asi. Cucu Rom nih AD 70 Jerusalam an kulh lio ah an hrawh dih. Khakha Jesuh Khrih zong nih a rak ṭah!

Cu Solomon temple cu atuni tiang hi a vampang le a tlawmpal hmunhma lawng a taang. Cucu “The Wailing Wall” (ngaihchiatnak, ṭahnak vampang) tiah an auh!

Bawipa nawl kan ngaih lo i, kan iporhlaw le sualnak in kan khah ahcun Bawipa nih kan khua, kan ram zong hi a kan chuah taak ve ahcun a kan hrawh khawh dih ko dakaw.

Atuni tiang kan minung himtein a kan chiah hmanh hi Bawipa sin ah kan ilawmh tuk ding asi. Kan inn le lo lawng hmanh si loin kanmah minung hmanh hi a kan hrawh khawh cuh!

Sui in sakmi Solomon temple, Biakam kuang umnak le nawlbia 10 umnak hmanh pei a duh ahcun a hrawh ko cu.

Pathian kan hmuhmi a fa/hme tuk tawn e. Thilri le chawnva cungah kan thinlung, ruahnak ngan tuk in kan bunh tawn e.

Bawipa a lianngan zia, a ṭhawn zia le kan nunnak cungah nawl ngeih zia le amah ta kan si hi kan philh tawn e.

Kan tonmi thil kip hi ruang ngei loin kan tonmi an si lo. Bawipa sin ah ngaihthiam hal usih! Kan sualnak ingaihchih usihlaw, Bawipa mithmai kawl izuam usih!

Kan tonmi thil cungah excuses ituah hrimhrim hlah usih! Bawipa nih a lang lomi, kan chunglei kan thinlung put a hngalh dih!

Bawipa kan cungah aa lawmh ahcun teinak le luatnak le himnak kan hmuh ko lai. Bawipa cu ngaithiam tu le thluachuah pe ṭhan tu asi. Bawipa sawm usih!

Be the first to comment

Leave a Reply

Your email address will not be published.


*