Sweden cozah sin ah kan miphun kong chimrel ding ah ruahlo ngai in Stockholm ka va phan

Stockholm: Sweden cozah sin ah kan miphun kong chimrel ding ah ruahlo ngai in Stockholm ka va phan. Rianrang ngai in ramchung lei in ka rak rat caah biachim ding timhtuah nak can ka nei lo. Sihmanhsehlaw ka riantuan pi hawi hna nih Sweden cozah Ministry of Foreign Affairs le Swedish International Development Agency sin ah chimding mi pawl tla tthiptthep te in an vun ttial I an ka timh piak. Mah cu ca cu meeting kai laizing ah ka tupa nih a ka print piak in kal pah tlanglawng cung ah ka rel. Chim ding bia ka hrelh suallai ti phan ah meeting room ka luh lai tiang kai nolh I ka rel tthan. A ca zong cu kan rak kuat chung hna.

An mah meeting aka sawm tu nih hotel kan in book piak lai an ti na in Kum tam ial kan iton ti lomi ka far le ka tu le an um I anmah sin ah ka tlung lai e ka ti hna. Ka u nu nih meeting ah a ka zulh, I ka tu le nih ka herh bau mi vialte an ka timh piak caah ka lawm ngai.

SIDA meeting hmun kan phak ah Rangoon Sweden Embassy I arak tuan mi bawi upa nu zong nangmah na ra lai ti ka theih I holiday ka lak lio asi na in na bia theih ruah ah meeting ah ka rak ra ve ati. A sunglawi ngai tiah ka ruah.

Chunhnu ah Foreign Ministry he kan itong. Sweden cozah nih kan ram thil sining kong ah rian hma la hna she ti kan duhmi diriam te in kan chimrel, hnu ah Foreign Ministry I Bawi upa ngai asi mi Asia pacific lei lutlai asi mi nu nih an office cu a ka chawh pi hmuhsak awk a tha mi an meeting room, banquet room pawl le an hmanthlak pawl, an library pawl aka hmuh sak. Hawikawm zohkhenh te in a ka zohkhenh caah ka lawm ngaingai.

Kan ram a ngan a fak hringhran. Kan mipi zong kan mah le kan khap tawk in kan ttang ngai ko hna. Kan ram thlennak ding le zalonnak kan hmuh nak ding ah hawikawm ttha tampi kan herh.

Khuazing Pathian nih rak kan zaangfah seh law limhang a nei mi ram le miphun dirhmun ah rak kan dirter ve hram cang ko she ti hi kan zapi kan thlacam nak asi.Credit-Chak Um Pa

Be the first to comment

Leave a Reply

Your email address will not be published.


*