Taiwan Le China An I Kap Ve Te Men Lai

Taiwan Special Force pawl Miissile kah cawlcanghnak an thawk, China a thinhung tuk caah i kah dawh an si cang.

Tawan ralkap ti, ke, van missile special force pawl cu raltuk ningcang cawlcanghnak an thawk cang tiah Taiwan i runvennak vunkyi zung nih nihin ah cathanh sa chuah.

American sin i an cawkmi missile pawl lawng si lo in Anmah Taiwan ram hrimhrim nih an tuah mi Yung Feng le Hsiung Feng IIE lam la a kah khotu Missile tiah kah chunnak an tuah. Cun vanlawng le tinbaw tiang a thlak i a hrawk kho tu missile tian kah chunnak an tuah tiah Taiwan I runvennak vunkyi zung nih an langhter.

China Communist cozah nih Tauwan ri chung lut in a kah doh ding a timh a si ahcun voi tampi ruat hnu ah tuah ding in Taiwan hlutdaw okathah Yu Sikun nih a liamcia nizan tihni bak ah khan China cu rLrin a rak pek.

Taiwan ralkap pawl nih hin China khuapi tiang a kap khotu a aw nak in a rang deuh mi lam hla kahnak Yun Feng missile pawl timhcia in kan chiah hna tiah Yu Sikun nih a chim.

A chim tlawmpal lawng ah a tubantuk in Tawan Manzhou hmun ah Missile kah pawl cu cawlcanghnak an hun thawk colh ve hi asi. Taiwan Hludaw ohkathah Yu Sikun a biachim mi ah hin ral ser duhnak aa tel caah kan cohlang kho bak lo tiah China Communist cozah nih an chim ve.

Be the first to comment

Leave a Reply

Your email address will not be published.


*