Taluk Company Runven Dingah Uico Ralhrang Chap mi Motor Sawpviar In bomb an Puak Hnawh, Uico Tamtuk an thi

Ralhrang Uico Chinese Wanbao Company nih an ngeih mi Letpandaung Simsnkin caah ralhrang thazaang cap mi an kal lio ah bomb in PDF nih an kah hna caah uico 15 renglo an thi tiah theih a si.

Chokleipar | May 4 | 2022

Agiang ramthen Salinnkyi peng Letpandaung tlang i rahrang le Chinese Wanbao Company nih an tuan cuahmah mi Copper project himhimnak tuanvo lak ding in uico pawl an chap mi hna cu an kalnak lampi ah bomb in PDF nih an kah hna caah ralhrang uico an kuttang pawl minung 15 nak tlawm lo an thi.

Mah ralhrang uico humhimnak lak ding in an chap mi hna cu Monyua University in May 4 tuzing ah an chuak hna i Sanpe an phanh ag NRF le Alpha Special Force nih bomb in an kah hna. Ralhrang motor pakhat cu lampi cung ah a lettalam in an tlu i a tlawmbik minung 15 an thi lai tiah cathanh an chuah.

Culawng si lo in Salinnkyi khuapi in a chuak mi ralhrang motor pakhat zong mipi ralkap PDF nih bomb in an kah ve hna caah ralhrang uico pahnih an thah khawh ve hna.

Cucaah ralhrang uico pawl cu hmunkip ah cuka hmun hrawnghrang ahcun hriamngan hehchet an kah lawng si lo in security fakpi in polik he an lak len tiah theih a si.Khitthitmedia

Be the first to comment

Leave a Reply

Your email address will not be published.


*