Tantaung NTDF Nih SAC Ralhrang An Phomh Hna i 25 Nak Tam An Kah Thah Hna

Tantaung ah SAC ralhrang pehzulh in nili chung an kah hna caah tat-yinhmu telh in ranksang 4 fonh in a tlawmbik 25 nak tam an thi cang tiah Tantaung PDF nih chim.

Karen ramkulh Tantaung peng ah July 15 in ni 18 tiang pehzulh in i kahnak a chuak inSAC ralhrang uico pawl 25 nak tam an thi cang tiah Tantaung mipi vengtu NTDF nih cathanh an chuah.

July 15 in Jyly 18 tiang Tantaung peng Yuathutkung khuate pawngkam ag July 15 in i kahnak a chuak i July 18 tiangah ralhrang tampi kan thah khawh hna. Kan thah mi hna chungah ranksang tat-yinhmub telh in minung pali an thi cang tiah a chim.

A thimi hna ralhrang pawl chungah tat-yinhmu, Sitkyaunghmu, tat-khuaihmu telh in pali an i tel. An zate fonh in a tlawmbik minung 25 cu kan thah cang hna. A thimi le hliamtuar an tamtuk cang caah mipi umnak khua ah hriamnam hehcheh tiah an kah. Thla 16 ah cun 60 mahmah, 120 mahmah in chun nitlak bak an kah.

Cucaah Yuathutkung khua inn 8 a kang i caw pahnih le naa pahnih an kah thah. Vok panga an kah thah i an i phorh. Cuka hmun i kahnak pawngkam khuami vialte cu a luatnak hmun ramtang ah an zam dih hna tiah theih a si. Ref-Khithtitmedia

Be the first to comment

Leave a Reply

Your email address will not be published.


*