Thailand Cozah Nih Myanmar Ralhrang Min Aung Hlaing An Tah Ter Cang

Thailand cozah nih Myanmar ralhrang SAC cu kan ram chung ah na raltuk vanlawng na rak luhternak man na kan liam lo ahcun tiah leiba an cawh cang.

Myanmar raltuk vanlawng pakhat cu June 30 ah khan KNU pasaltha pawl ka kah hna a ti nak ah Thailand ralkap humhaknak hmun hma chung ah a lut sual .Cucaah Thailand cozah nih Myanmar ralhrang SAC cu Thailand chung a vanlawng a luhter sualnak man leiba a cawh ko cang tiah Chaichan Changmongkol nih a chim.
July 8 ah khan Thai Hlutdaw Sarawut Sarawut Phetpanomporn cu Thailand ram humhaknak hmun chung ah raltuk vanlawng a luter sual le sual lo hlathainak nan tuah maw tiah biahlanak an tuah tik ah a cunglei bantuk in Thailand thawngzamhca pakhat a the Bankok Post ah a chim.

Myanmar ralhrang raltuk vanlawng Thailand humhaknak chung an luhter sual le cangka in Thai cozah nih F-16 pahnih Myanmar ramri ah an hun thlah colh ve.Thailand cozah nih ralhrang sin ah kan ram chung na rak luhternak man cu tangka a hal cang tiah Thai duh Vunci nih a chim.

Thailand ramri ah Myanmar ralhrang Ohkarihthah sakhan cu KNLA,KNDO le PDF nih an kah I ralhrang a thimi an tam tuk cang. Cucaah ralhrang nih an sakhan Okarihthah cu sungh an duh lo caah raltuk vanlawng in voi zakhat lei a kah cang hna. NIhin tiang hi pehzulh in Okarihthah sakhan cu an kah peng rih ko.Khithit

Be the first to comment

Leave a Reply

Your email address will not be published.


*