Thantlang Inn Kanghnak Ahhin Dr. Ngun Cung Lian Ruahnak Ai Tel Hrimhrim

Thantlang inn khanghnak ahhin ralhrang ruahnak petu Dr. Ngun Cung Lian ruahnak ai tel hrimhrim lai zumh a si.

Dr. Ngun Cung Lian hi Laipa ah paza a si. US ah upadi thiamnak zong sang zong a cawngmi a si. CNF ah kum zapi rian a tuanmi zong a si. Kanmah Chinmi ahhin ralhrang ruahnak petu ah ai tel hmasa bikmi a si.

Mah tluk in Thantlang inn kanghnak ahhin Dr. Ngun Cung Lian ruahnak ai tel hrimhrim lai tiah an zumh. A ruang cu ralhrang nih Chinmi kan dirhmun an kan tlaih khawh tuk. Chinmi cu an inn kan khangh piak hna lai i an lungdong ko lai tihi an kan ruah.

Chinmi cu inn lo an sunsak tuk. Inn lo an tlaihchan tuk. Cu caah an inn kan khangh piak hna ahcun an khuaruah nak a dong lai. Kan kah hna ahcun kan inn a kang than lai ti an phang lai i kan tei ko hna lai tihi Ngun Cung Lian nih Min Aung Hlaing sinah  ruahnak a pek hrimhrim lai tihi zumh ciomi a si ko.

Ralhrang sinah riantuan mi ahhin Dr. Ngun Cung Lian tluk in Chinmi kan konglam a theimi le a chim kho dingmi an um lo. Chin ramkulh ah ralhrang an cawlcangh ning le ral an tuk ning pawl zong hi Dr. Ngun Cung Lian ruahnak pekmi ai tel hrimhrim lai.

Ralhrang nih uknak an lak hnu ah Chinmi a kan that tu bik le Chinmi a kan leirawi tu bik cu Dr. Ngun Cung Lian le Pu Ngun San Aung hi an si. An mah nihcun miphun le ram kan dawt caah rian kan tuan an ti ko lai nain Chin miphun a kan that nawng tu an si. Chin miphun kan thisen luannak ah an kutneh ai tel cang.

Cu ruang ah Chin miphun nih kan chan chung mah hna pahnih cung ah zeitik hmanh ah kan i cenet kho ti lai lo. Kan i lungsi kho bal ti lai lo. Nikhat can khat cu an tuh bang an zun can a phan ve hrimhrim lai. Credit: Cung Bawi Lian

Be the first to comment

Leave a Reply

Your email address will not be published.


*