Thantlang thangpang chia: kan miphun ralkap him hram hna seh


Nihin January 5 zaanlei ah Thantlang khua ah SAC ralhrang nih CNA le CDF ralkap pawl cu vanlawng in voi 3 an kah ṭhan hna, tiah thawngpang kan thieh.

Nihin zaanlei sml. 3:00 hrawng ah SAC ralhrang Fighter Jet pakhat nih Thantlang khuachung ah voi 2 bomb a thlak i, Thantlang khuachak Vuichip tlang zong ah voi khat bomb a thlak chap.

Cu SAC ralhrang vanlawng kahnak ah cun kan miphun ralkap CDF le CNA lei in aa hliammi le a nunnak a liammi an um le um lo fiang in theih a si rih lo.

Aluancia December 30, 2022 thawk khan Thantlang khua chung SAC ralhrang le CNA/CDF karlak ah kahdohnak a rak i thawk ṭhan. Tu kum January 1 ah khan CNA le CDF ralkap pawl nih Thantlang khuachung SAC ralhrang hmunkhuarnak pakhat an luh hnawh ralhrang a tlawm bik minung 4 an thah khawh hna tiah an chim.

Cu hnu cun zaan sml. 10:00 hrawng ah SAC ralhrang nih CDF le CNA nih caankarlak sakhaan ah an hmanmi Vuichip tlang cu SAC ralhrang nih vanlanwg in voi hnaih a rak kah.

Credit – The Chin Journal



Source link

Add a Comment

Your email address will not be published. Required fields are marked *