Thantlang Um CNA/CDF cu Ralhrang Nih Sniper In An Kulh Cang Hna

Tulio Thantlang i ralhrang uico le CNA/CDf hna an thawngpang hi mipi nih theih kan duh ngai cio mi a si. A ruang cu Thantlang mipi nih an chuahtak hna hnu i a tuhi a sautuk cang ko nain kan ralkap a simi hna CNA/CDF hna nih Thantlang ralhrang sakhan cu an la kho bal lo.

Minung tampi nih ziah Thantlang sakhan pakhat te hmanh an lak lak khawh lo a phunzai mi kan tam taktak cang. Minung tampi nih ralhrang sakhan lak hi a fawituk in kan ruahsual ton. Sakhan pakhat laknak ding caah zeitluk in phaisa a dih timi hi tuaktan lo ahcun kan ralkap pawl mawtchiat an fawi ngai te.

Nain ralhrang sakhan lak cu chim rih hlah uhsih kan naule CNA/CDF nih an humhaknak hmunhma hmanh a tu hi a him ti lo tiah thawngtheihba si cang. Ralhrang nih hin a thlithup in Russia ser a thatak mi Sniper bak in hmun tampi in an bawh cang hna .

Kan ralkap pawl nih hngakbuk an tuahnak hmunhma hmanh khi a him ti lo mi dirhmun ah an um cang. An i theihlo kar ah sniper in an kah lengmang hna. Cucaah i kahnak um lo in a caa ah kan mino pawl an thih lengmang nak khina si tiah Thantlang kong a ngiathlaitu pawl nih an chim.

Ralhrang nih biatak tein hmun an hun khur cang nak hmun hi fawituk in sakhan kah khawh a si ti lo. Fekthup in an i ser cang i sakhan laknak ding ahcun kan ralkap pawl a tlawmbik minung 20 leng nih nunnak pek a hau cang lai caah nihin tiang an lak lo nak hi a si timi hi mipi nih kan theihthiam ngaingai a si. A hodah thih cu a duh cio hnga tuak hmanh uh.

Be the first to comment

Leave a Reply

Your email address will not be published.


*