Thawngfiang: Russia Le Ukraine Ton Biaruahnak Ah Bia Khiahnak An Tuah Mi

Russia le Ukraine kar ah nizan an i tonnak kong thawngpang fiang. Nizan February 28,2022 zanlei ah khan Russia le Ukraine cu biaruahnak an ngei kho.

Russia nih Ukraine ram ni 5 chunh a kah hnu ah a ruah ning bantuk in a tei khawh ti lo caah Russia cu a lungdong pah cang i Ukraine cu ton biaruahnak kan ngei lai tiah a sawm. Khoika hmun ah dah kan i ton lai timi an ceihkhan hnu ah Poland le Belarus ramri ah ti a si i nizan zan lei ah khan kap hnih palai cu ton biaruahnak an ngei kho.

Nizan an i biaruahnak ahcun Russia lei nih Russia ralkap hi kir dih uh. Kahnak kan ngol chung lai i cu lio ahcun Russia ralkap hi kir dih uh tiah an hal hna. Sinain Russia lei nih a rem an ti lo caah voi dang ah ton than te ding in an meeting cu a dih. Voi nolh ah kan i tong lai i kan i ceih than te hna lai ti kha a si ko. Phun dang in van chim i tahchunhnak van lak ahcun Russia he ton biaruah cu Min Aung Hlaing he ton biaruah bantuk khi a si ko.

Russia nihcun Ukraine ram cu lak a timh peng ko rih. Nizan biaruahnak an tuah lio zong ah kap hnih ralkap cu an i phomh cuahmah peng rih ko. Kan hnu ah khan Ukraine khuapi bik Kyiv ah Russia Tank pawl an rak lut hna. Sinain mah Tank pawl kha an ciam dih cang i a tu hi Kyiv khuapi he meng 15 lawng ai hlatnak hnun ah Russia ralkap pawl cu tampi an phan cang ti a si.

Ukraine khuapi pahnihnak Kharkiv zong lak ding in Russia ralkap nih an fuh cuahmah ko hna. Cun Mariupol khuapi zong lak ding in timhtuahnak an ngei cuahmah. Hmunkip ah kahnak fak a chuak nain a biapi cu Kyiv khuapi le Kharkiv khuapi pawng ah an si.

Russia missile system le Russia Tank pawl cu NATO hraimnam le US hriamnam Drone bak in bomb an thlak hnawh thluahmah cang hna. Ukrianne nih NATO le US hriamnam bawmhnak tampi an hman khawh cang. Russia nih fawi tein an tei kho ti lo. Russia ralkap tamtuk an thi cang i tamtuk hliam an tuar cang.Credit- Chinlandedia

Be the first to comment

Leave a Reply

Your email address will not be published.


*