Thawngpang Thar – NATO Le US Nih Ukraine Caah Jet Fighter 70 Bak An Bawmh

NATO le US nih Ukraine ralkap caah Jet fighter 70 bawmhnak an pek hna. Putin nih Ukraine cu Jet fighter hmang in a kah tuk ruang ah NATO le US an thin a lin cang i Ukraine ralkap caah Jet fighter 70 bak an bawmh pe ve hna.

NATO le US nih Ukraine caah Jet fighter 70 bawmhnak an pekmi cu Poland ram a phan cang i Ukraine ralkap le pilot hna nih an va lak lio a si. A rauh hlan ah an hman khawh ve cang lai.

Russia nihhin Febraury 24,2022 zing khuadei hlan ah Ukraine a kah ah khan Ukraine raltuknak Vanlong chiahnak hmun 11 bak an rak hrawh piak hna. Cu ruang ah Jet fighter tam an hmang kho ti lo. An mah Russia lei tu nih Jet fighter cu an duh chung in an hman hna. Ukraine nih Van lei ralvennak an ngeih mi Redar zong Russia nih khan a rak hrawh piak hna caah van lei ral an i veng kho ti lo.

A tu cu Ukraine pilot pawl nih Jet fighter duh tawk in an hman khawh ve cang lai. Rader zong a thar an van bawmh chap hna. Missile tampi zong an bawmh rih hna. Russia missile kuan in i vennak zong an bawmh rih hna. NATO Secretary nih a chim cang. Ukraine hi Russia kut ah kan phak ter bak lai lo. Kan i zuam hrimhrim lai tiah a chim cang.

Ukfaine pilot pawl nih NATO le US bawmhnak Jet fighter 70 bak an van bawmh hna hin cun Ukraine ram ah a ummi Russia ralkap pawl cu cip dih in van lei in an phomh cang hna lai. Ukraine ram cung ah a rak zuang mi Russia Jet fighter pawl cu Ukraine pilot pawl nih Jet fighter hmang in an dumdawi ve cang hna lai. A si khawh ahcun Russia ram Moscow khuapi tiang ah bomb va thla kho ding in an i zuam ve cang lai.

Ukraine hi NATO chungtel ram si rih hmanh hlah sehlaw NATO chungtel ram si a duh mi le NATO chungtel ah ka luh ve ko uh a timi a si caah NATO le US nihcun an fahniang zoh in an zoh i an dawt bak mi a si. Ralkap thazang in bawm hmanh hna hlah sehlaw Ukraine caah an ngeihmi hriamnam le chawva an ui bak lo. NATO chungtel ram 7 nihcun Ukraine hi NATO chungtel ram ah cohlan ding a si cang ko tiah an au pi. NATO chungtel ram 27 nih an cohlan ahcun Russia cu NATO ram le US nih ralkap nih an phomh colh ding khi a si ko. NATO chungtel ram pawl zong an i ceih lio. Raltuk lio a si caah cohlan rih lo khawh zong a si. Sinain an cohlan lo zong ah an ngeih mi poh an pek thiamthiam ko.

Be the first to comment

Leave a Reply

Your email address will not be published.


*