Thawngpangttha Taktak:CDF Zophei Sin Ah Kawl Ralkap Pathum An Lut, Meithal 3 le kuan tam taktak he CDM An Tuah – Thawngpang Dik Thanh Hna Usih


CDF-Zophei sinah CDM a lut mi SAC Ralkap hna le Palek an um!!! 266 တပ်ရင်း In SAC Ralkap pathum September thla Chung ah CDF-Zophei sin ah CDM an lut.1. Zin Ko Htet le Aung Phyo Min le Tat Naing Htun An si. Methal MA 2 pakhat (megazin 3) le Kuan 700 leng le Kut in hlonh mi bomb 3 zong aa telchih.

CDF-Zophei nih lawmhpinak laksawng le Meithal man tangka MMK Sing-150 (Mining pakhat sing-20 cio le MA-2 caah Sing-80) an pek hna i, humhimnak hmun ah an chiah hna

Cun Palek pakhat zong CDM tuah a duh I Hakha khuachung ah kan va laak. a min ah Aung Thang a si. Hakha Sakhan ah duty a h ngak mi a si IG3 pakhat (megazin 2) kuan 130, MA kuan tlawmpal le 9MM Kuan tlawmpal, gyi-kaa le Palek hman mi dangdang he November 15 ah CDF-Zophei sin ah a phan.

Hriamnam he CDM a rak tuah mi Palek Aung Thang lawmpinak caah MMK Sing-80 pek le a humhimnak hmun tiang tuahvo lak a si lai.Zophei Information Center

A Ra Lai Ding Champion Cuhnak Hi UFC I Ṭhuatding Ah Timhcia Si Le Si Lo Fiantertu A Si Lai – Joshua Van. Joshua Van cu Laitlang Hakha peng Ruan khua ah a chuakmi a si. Pe 5 le lehmah 5 a si i kum 21 lawng a si rih. Fury MMA phu i Flyweight ah aa thongmi a si. Kum 12 a si ah a chungkhar he America an phan. Kum 17 in MMA ah lentecelh hram aa thok.

MMA Professional Record ah voi 7 aa thong i voi 6 teinak a hmu i voi 1 a sung. A voi 7 ning in kum khat chung ah aa thonghmi an si. A ra lai mi December 18 ah Cleveland McLean he Fury Flyweight Champion an i cuh lai

Joshua Van nih Allstar MMA nih interview an tuahnak ah, ”Kum 12 ka si ah America kan phan. English ka thiam lo ruang ah harnak ka tong. English thiam lo mi Asia mi ti poh ah keimah hi capo ah an ka saih tawn. Cu ruang ah keimah le keimah i vennak ding ah ṭhuat hi ka cawng. Tu le tu kaa vel tawn. Kei hi velh phunphai a zuam ngaimi ka si tik ah nikhat khat cu Myanmar ram aiawhtu Fighter pakhat si ding kaa zuam lai tiin bia kaa khiak.

MMA i celh hi Conor ka hmuh hnu in kaa hruhpi. Conor bantuk in UFC ah i thongh hi ka chunmang a si. Fighter pakhat voi khat ka sung bal cang, a ruang cu kan puai hlan ah ṭha tein cawnnak ka rak ngei lo. Kha ka sunghnak nih khan a ṭha deuh chinchinmi Fighter a ka si ter. A tu kaa ṭhuatding nih hin UFC i i ṭhuatding caah timhcia ka si le si lo a langhter te lai,” tiah a chim.Photo crd: Joshua Van

Thih Dar 14.12.2022 Thantlang khua ,Lung Tial Sang um mi, Pu Tin Tlung kum-86 ,(Dawt Chin Pa) cu Thantlang in Hriangkhan Khua ah ralzam in an i dor nak ah 14.12.2022 (10:30 )pm ah a kan thihtak. 15.12.2022 Niah a thih nak Hriangkhan khua ah vui a si lai . Tantak mi chungkhar nan dihlak nan ngaihchiat nak kan in tuarpi hna .Pathian nih nan ngaihchiat nak in hnem ko hna seh .

 



Source link

Add a Comment

Your email address will not be published. Required fields are marked *